atuganilemwakosya

Kwa wanandoa kuna ujumbe wenu huku kutoka kwa @catherineoctavian_ck chukua tipu inaweza kukusaidia

Sans description

Bwana Yesu Asifiwe! Tunawakaribisha wote kwenye Semina ya Kufungua mwaka,mkoa wa Mwanza, jumapili tarehe 08/02/2026 kwanzia saa 8 mchana hadi saa 12 jioni. Semina itafanyika kanisa la KKKT- Usharika wa Imani, Kanisa Kuu-Makongoro, Mwanza Mjini. Semina itarushwa LIVE kwenye youtube channel yetu na Upendo TV, wote mnakaribishwa. Mungu awabariki!

Wimbo unaitwa NAENDA Muimbaji Bibi Harusi mtarajiwa Miriam Chirwa sasa unapatikana YouTube

Dhambi inaondoa Utukufu wa Mungu jiepushe na Dhambi"- Apostle Frank Mbunda

Ooh Mungu uwabariki hawa watumishi wako Mr and Mrs Mchungaji Leonard Nombo

ASKOFU MASOTA AFUNDISHA VIJANA SOMO LA “UWEZO WA KUANZA (MAONO)” Askofu Masota ametoa mafundisho yenye msukumo mkubwa kwa vijana, akisisitiza umuhimu wa uwezo wa kuanza upya na kuwa na maono, bila kujali mazingira waliyonayo kwa sasa. Akizungumza katika somo lake lenye kichwa “Uwezo wa kuanza (Maono)”, Askofu Masota aliwahimiza vijana kutokata tamaa kutokana na hali ngumu za maisha, bali wajenge mtazamo chanya na kujiamini. Katika mafundisho hayo, Askofu Masota alieleza kuwa kila kijana ana uwezo wa kuanza jambo jipya, hata kama mazingira ya sasa hayaonekani kuwa rafiki. Aliwahimiza vijana kujifunza kujitamkia maneno mazuri na ya ushindi, akisisitiza kuwa maneno ya mtu yana nguvu ya kuumba kesho yake. “Hata kama mazingira hayaeleweki, uwezo wa kujitamkia ushindi hukupa nuru ya kesho yako,” alisema. Akinukuu Mithali 20:27, Askofu Masota alifafanua kuwa uhai wa mwanadamu ni taa inayompa uwezo wa kufanya mambo makubwa. Aliongeza kuwa historia ya mtu haipaswi kuwa sababu ya kumrudisha nyuma, bali iwe funzo la kumjenga na kumsukuma mbele. Kwa upande wa maadili, Askofu Masota aliwasisitiza vijana kujisitiri na dhuluma, akisema fahari ya vijana ni nguvu zao wenyewe. Aliwahimiza kutumia nguvu hizo kwa bidii na uadilifu, kuepuka kula vya watu, na kujibidisha katika kazi halali. “Ujana ni wakati wa kupigana vita vya maisha na uchumi wako,” alisema, akisisitiza umuhimu wa kujituma na kutoogopa changamoto. Aidha, aliwahimiza vijana kuwekeza kwenye maono yao ya baadaye, kujifunza kuanzia chini, na kuelewa kuwa utajiri ni kumiliki vitu kwa jasho halali. Aliwakumbusha pia vijana kuepuka vurugu na mapigano, badala yake watumie hekima na busara katika kukabiliana na changamoto. Kwa vijana wa kiume, Askofu Masota alisema hawana sababu ya kutafuta huruma popote, bali wanapaswa kupambana kwa ujasiri, kwani ni wajibu wao katika safari ya maisha. Alihitimisha somo lake kwa kuwasihi vijana kumtafuta Mungu kwa bidii, akinukuu Ayubu 22:21, akisema kumjua Mungu huleta amani, mwelekeo na baraka katika maisha. Somo hilo limepokelewa kwa mwitikio mzuri, likitajwa kuwa chachu ya kuwajenga vijana kiakili, kiroho na kiuchumi, huku likiwahamasisha kuanza upya, kuwa na maono na kuchukua hatua za makusudi kuelekea maisha bora. Nabii Masota

DKT. RON KENOLY AFARIKI DUNIA AKIWA NA UMRI WA MIAKA 81 Imeelezwa kuwa kiongozi maarufu wa sifa na kuabudu wa Kikristo kutoka Marekani, Dkt. Ron Kenoly, amefariki dunia tarehe 3 Februari 2026, akiwa na umri wa miaka 81. Kwa mujibu wa taarifa zilizopo kwa sasa, Ron Kenoly, ambaye pia alikuwa mwimbaji na mtunzi mahiri wa nyimbo za injili, ameachia pengo kubwa katika ulimwengu wa muziki wa Kikristo, hususan katika eneo la sifa na kuabudu (Praise & Worship). Kenoly alijulikana sana kupitia albamu zake zilizogusa maisha ya waumini wengi duniani, zikiwemo Lift Him Up (1992), ambayo ilitajwa kuwa miongoni mwa albamu za kuabudu zilizouzwa kwa kasi zaidi wakati huo, pamoja na Welcome Home, albamu iliyopokelewa kwa sifa nyingi kutoka kwa wakosoaji wa muziki wa injili. Kupitia huduma yake ya muziki, Ron Kenoly alihudumu katika makanisa, mikutano mikubwa ya kiroho na majukwaa mbalimbali ya kimataifa, akitumia muziki kama chombo cha kuhamasisha sifa, shukrani na ibada kwa Mungu. Nyimbo zake zimeendelea kuimbwa katika makanisa mengi duniani hadi leo. Kifo chake kinatajwa kuwa pigo kubwa kwa jamii ya waumini na wadau wa muziki wa injili, walioguswa na huduma yake kwa zaidi ya miongo kadhaa. Endelea kufuatilia kwa taarifa zaidi kadri zitakavyoendelea kutolewa.

MWANAMUZIKI NANDY AMFANYIA SUPRISE KIJANA PAUL SAMWELI, MLEMAVU WA MIGUU NA MTUMISHI WA MUNGU KWA NJIA YA UIMBAJI Msanii maarufu wa muziki nchini Tanzania, Nandy, amefanya tukio la kusisimua kwa kumfanyia suprise kijana Paul Samweli, ambaye ni mlemavu wa miguu na amekuwa akimtumikia Mungu kupitia uimbaji wa injili katika maeneo ya standi mbalimbali. Tukio hilo lililovuta hisia za wengi lililenga kumtia moyo Paul, ambaye licha ya changamoto ya ulemavu, ameendelea kuwa na moyo wa kumtumikia Mungu kwa kipaji alichojaliwa. Nandy alimpongeza kwa ujasiri na uthubutu wake, akisisitiza kuwa vipaji vinapaswa kuthaminiwa bila kujali hali ya mtu. Wananchi na mashabiki walioshuhudia tukio hilo walionesha furaha na kumpongeza Nandy kwa moyo wake wa upendo na kugusa maisha ya kijana huyo, wakisema ni mfano wa kuigwa katika jamii. Tukio hilo limeacha ujumbe mzito wa upendo, matumaini na kuthamini vipaji, hasa kwa watu wenye mahitaji maalum.

NAIOTH GOSPEL ASSEMBLY, IRINGA Mtumishi wa Mungu Prophet, Nabii Masota wa Kanisa la Naioth Gospel Assembly, Iringa Mjini, anakukaribisha wewe na familia yako kushiriki ibada za kUfunguliwa na Uponyaji zilizojaa neno la Mungu, maombi na nguvu ya Roho Mtakatifu. Ratiba za Ibada: Alhamisi: Saa 7 mchana hadi saa 11 jioni Jumapili: Saa 7 mchana hadi saa 11 jioni Mahali: Kanisa lipo Retco Mataa, mkabala na Shule ya St. Dominic, Iringa Mjini. Mawasiliano: 📞 +255 794 962 560 (Kwa ushauri na maombezi) @NABII WA MJI

NCHINI NIGERIA: AVAMIA KANISA NA KUTIMUA WASHIRIKA AKITUMIA PANGA, ASEMA AMECHOSHWA NA KELELE Tukio la kushtua limeripotiwa nchini Nigeria baada ya mwanaume mmoja kuvamia kanisa wakati wa ibada na kuwatimua waumini kwa vitisho vya kutumia panga, akidai kuwa amechoshwa na kelele zinazotokana na shughuli za kanisa hilo. Kwa mujibu wa mashuhuda wa tukio hilo, mwanaume huyo aliingia ghafla kanisani wakati ibada ikiendelea, akiwa ameshika panga na kuanza kuwafukuza waumini, hali iliyozua hofu na taharuki kubwa. Waumini walikimbia kujiokoa huku wengine wakiacha mali zao ndani ya kanisa. Mshukiwa alieleza kuwa kelele za nyimbo na maombi zimekuwa zikimsumbua kwa muda mrefu, jambo lililomfanya achukue hatua hiyo ya vurugu. Hadi sasa, hakuna taarifa rasmi zilizothibitisha kuwepo kwa majeruhi, ingawa baadhi ya waumini walipata mshtuko wa hofu.

MCHUNGAJI JAMES NG’ANG’A AKATAA WANASIASA KUSIMAMA MADHABAHUNI Mchungaji maarufu kutoka Kenya na kiongozi wa Kanisa la Neno Evangelism Centre, James Ng’ang’a, amezua mjadala mpana baada ya kutoa kauli kali kuhusu nafasi ya wanasiasa kanisani. Akizungumza mbele ya waumini katika ibada ya kanisa lake, Mchungaji Ng’ang’a alisema wazi kuwa hataki na hataruhusu mwanasiasa yeyote kusimama kwenye madhabahu yake. Alisisitiza kuwa iwapo mwanasiasa atahudhuria ibada, basi afanye hivyo kama mshirika wa kawaida, akae kwenye viti kama waumini wengine na atoe sadaka kwa utaratibu ule ule bila upendeleo wowote. Kwa mujibu wa Mchungaji Ng’ang’a, madhabahu ni mahali patakatifu pa ibada na si jukwaa la siasa au kutafuta umaarufu wa kisiasa. Aliongeza kuwa kanisa linapaswa kubaki sehemu ya kufundisha Neno la Mungu, toba na mabadiliko ya maisha, bila kuingiliwa na maslahi ya kisiasa. Kauli hiyo imepokelewa kwa mitazamo tofauti, huku baadhi wakimsifu kwa kusimamia utakatifu na heshima ya madhabahu, na wengine wakiona ni mada inayohitaji mjadala mpana kuhusu uhusiano kati ya kanisa na wanasiasa. Hata hivyo, kauli ya Mchungaji Ng’ang’a imeweka wazi msimamo wake kwamba kanisani wote ni sawa mbele za Mungu bila kujali cheo au mamlaka.

Biblia Ilimaanisha Nini Iliposema “Mwanamke Atamlinda Mwanamume” Yeremia 31:22? #feblove

UKIJUA KINACHOENDA KUTOKEA KESHO YAKO, HUTOCHEZEA MAISHA YAKO. Ni Neno pekee ndilo linaweza kufungua macho yako ili upate kujua nini kimeandaliwa mbele yako na hutawaza sawa na akili yako. Usipokubali Neno likuongoze, uovu wa baba zako hautakuachia. Usipoelewa NENO hutofika mahali pa UKUU maana ibilisi atakuchezea. Hivyo LIJUE NENO ili usije fanya mambo yanayofanana na uovu. MTUME NA NABII JOSEPHAT ELIASI MWINGIRA - KANISA LA EFATHA.

Sikiliza ujumbe huu mzuri kutoka kwa Mtumishi wa Mungu @bishopgwajima ujifunze jambo kuwa kupitia ujumbe huu. Kama umemuelewa vizuri @bishopgwajima na umejifunza jambo weka maoni yako hapa chini