BAKU ES

Bura İsmayıllıdır ❄️

Kürdəxanı qəsəbəsində, xüsusilə Feyzulla Qasımzadə küçəsində kanalizasiya sularının daşması sakinlər üçün ciddi problem yaradıb. Küçə boyu yayılan çirkab sular hərəkəti çətinləşdirir, ətraf mühiti çirkləndirir və xoşagəlməz qoxuya səbəb olur. Sakinlər problemin tez bir zamanda həll olunmasını tələb edirlər.

Şaxtalı hava şəraiti səbəbindən paytaxtın bir sıra yollarında sürət həddi endirilib, bütün elektron tablolar üzrə “sürüşkən yol” işarəsi aktivləşdirilib. "Bakues.az" xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzi məlumat yayıb. Bildirilib ki, hazırda Bakıda müşahidə edilən şaxtalı hava şəraiti ilə əlaqədar Zığ dairəsi–Hava Limanı yolunda sürət həddi 40 km/saatadək endirilib. Heydər Əliyev prospekti–Mərdəkan–Zuğulba–Bilgəh istiqamətində isə bütün hərəkət zolaqları üzrə sürət həddi 20 km/saat müəyyən edilib. Qeyd olunan yol sahələrində ümumi hərəkət sürəti 70 km/saat təşkil edir. Məlumatda vurğulanıb ki, bununla bağlı NİİM əməkdaşları tərəfindən məlumat-sürət tablolarında müvafiq dəyişikliklər aparılıb və bütün portallarda “sürüşkən yol” xəbərdarlıq nişanı yerləşdirilib. Sürücülərdən müəyyən edilmiş sürət hədlərinə ciddi əməl etmələri xahiş olunur.

Pakistan ilə Azərbaycanı dərin kökləri olan qardaşlıq, qətiyyətli qarşılıqlı dəstək telləri bağlayır, xalqlarımızı çalışdıqları qlobal sülh, rifah və dayanıqlı inkişaf dəyərləri birləşdirir. "Bakues.az" xəbər verir ki, bunu Pakistanın Baş naziri Məhəmməd Şahbaz Şərif "Zayed İnsan Qardaşlığı Mükafatı"nın laureatlarına təbrik videomüraciətində deyib. O, Prezident İlham Əliyevin müdrik və düşünülmüş rəhbərliyi ilə Azərbaycanın əldə etdiyi yüksək nailiyyətlərindən fəxr hissi duyduğunu bildirib: "İlham Əliyev Qafqazda və onun hüdudlarından kənarda sülh və sabitliyin qətiyyətli carçısı kimi tanınır. Pakistan həmin Sazişi nəinki Azərbaycan və Ermənistan, o cümlədən bütöv region üçün yeni əmin-amanlıq və dayanıqlı sülh dövrünün başlanğıcı kimi alqışladı. Mən əziz qardaşım, Prezident İlham Əliyevi bu nüfuzlu mükafatı alması münasibətilə bir daha təbrik edirəm. Ümidvaram və dua edirəm ki, uzaqgörən rəhbərinin səyləri ilə qardaş Azərbaycan xalqı uzunmüddətli sülhə, əmin-amanlığa və tərəqqiyə doğru addımlarını davam etdirsin".

"40 ildir ki, "sülh", "Ermənistan" və "Azərbaycan" sözlərini birlikdə görməmisiniz və hətta birlikdə istifadə olunsa belə, inanılmaz bir məna daşıyardı.Buna görə də 2025-ci ildə baş verənlər və indi baş verənlər inanılmazdır". Bakues.az xəbər verir ki bu sözləri Ermənistanın Baş naziri Nikol Paşinyan Zayed mükafatı mərasimində deyib: "Bu mərasim yalnız sülh sazişinin qeyd olunması deyil, həm də Ermənistan və Azərbaycan tərəfindən münaqişənin səhifəsinin bağlandığını təsdiqləməsidir. Əks halda Azərbaycan Prezidentinin və ya mənim buraya gəlib bu mükafatı almağımızın mənası olmazdı. Bu həm də beynəlxalq ictimaiyyətin dəstəyinin göstəricisidir, çünki qərar dünyanın müxtəlif yerlərindən yüksək hörmətli üzvlərdən ibarət münsiflər heyəti tərəfindən verilib," deyə Paşinyan əlavə edib. Paşinyan həmçinin qeyd edib ki, mükafat Ermənistan və Azərbaycan liderlərinə təqdim olunsa da, hər iki xalqa məxsusdur. "İnanc, sədaqət, vizyon və hikmət olduqda inanılmaz şeylər baş verir. Düşünürəm ki, sülh sazişi imzalandığı üçün Ermənistan və Azərbaycan başa düşdülər ki, münaqişə indi bitməlidir, əks halda heç vaxt bitməyəcək və hər iki ölkəyə, həm də xalqlara yeni əzablar gətirəcək"- deyə Baş nazir vurğulayıb.

Azərbaycan Prezidenti İlham Əliyev və Ermənistanın Baş naziri Nikol Paşinyana “Zayed İnsan Qardaşlığı Mükafatı” təqdim olunub.

Bu aylar ərzində (Vaşinqton Sammitindən ötən müddətdə - red.) biz öz münasibətlərimizin inkişafına töhfə verdik. Biz nəinki Azərbaycan ərazisindən Ermənistana nəqliyyat və daşımalarla bağlı məhdudiyyətləri aradan qaldırdıq, eyni zamanda, digər sahələrdə işbirliyini genişləndirdik. Bakues.az xəbər verir ki, bu barədə Azərbaycan Prezidenti İlham Əliyev “Zayed İnsan Qardaşlığı Mükafatı”nın təqdimolunma mərasimində bildirib. “Bu altı ay ərzində biz əməkdaşlığa başladıq. Hazırda biz ticari münasibətlərimizi artırırıq və ermənistanlı həmkarımla görüşümüz zamanı irəliyə doğru necə getməli olduğumuzu müzakirə etdik”, - deyə dövlətimizin başçısı vurğulayıb.

Bu mükafatı almaq böyük şərəfdir. Bakues.az xəbər verir ki, bunu Azərbaycan Prezidenti İlham Əliyev "Zayed İnsan Qardaşlığı Mükafatı"nın təqdimatolunma mərasimində çıxışı zamanı deyib. Dövlət başçısı qeyd edib ki, Azərbaycan və Ermənistan sülh şəraitində yaşamağı öyrənir: "Bu xüsusi bir hissdir. Müstəqillikdən sonra biz heç zaman sülh içində yaşamamışıq. ABŞ Prezidenti Donalda Trampa Vaşinqton sammitinin təşkilinə görə təşəkkür edirəm. O, üçtərəfli sammiti 2025-ci ilin avqustun 8-də təşkil etdi və bu, Ermənistan-Azərbaycan arasında sülh sazişinin paraflanması ilə başa çatdı". Prezident xatırladıb ki, hər iki ölkə 30 ildən artıq müharibə şəraitində olub: "Altı aydır ki, sülh şəraitində yaşayırıq".

Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Birləşmiş Ərəb Əmirliklərinin paytaxtı Əbu-Dabidə fevralın 4-də "Zayed İnsan Qardaşlığı Mükafatı"nın təqdimolunma mərasimindən paylaşım edib. "Bakues.az" xəbər verir ki, bu barədə Prezidentin köməkçisi "X" hesabında paylaşım edib. "Azərbaycan və Ermənistan arasında tarix qurulur! Sülhün qazanılması!" Qeyd edək ki, Birləşmiş Ərəb Əmirliklərinin paytaxtı Əbu-Dabidə fevralın 4-də "Zayed İnsan Qardaşlığı Mükafatı"nın təqdimolunma mərasimi keçirilir, Azərbaycan Prezidenti İlham Əliyev tədbirdə iştirak edir.

Prezident İlham Əliyev və Ermənistan Baş naziri Nikol Paşinyan "Zayed İnsan Qardaşlığı Mükafatı"nın təqdimolunma mərasimində bir araya gəlib.

🇦🇿Birləşmiş Ərəb Əmirliklərinin paytaxtı Əbu-Dabi şəhərində “Zayed İnsan Qardaşlığı Mükafatı”nın təqdimolunma mərasimi keçirilir. Azərbaycan Respublikasının Prezidenti İlham Əliyev tədbirdə iştirak edir.

Ermənistan yaxın bir-iki ay ərzində Azərbaycana malların ixracına başlaya bilər. Bakues.az Operativ Media-ya istinadən xəbər verir ki, bunu Ermənistanın hakim partiyasından olan deputat Babken Tunyan bildirib. Onun sözlərinə görə, ilkin ixrac məhsullarına metal, folqa və bazar tələbi ilə kommersiya marağından asılı olaraq mümkün olaraq ərzaq məhsulları da daxil ola bilər.

🚗🌳 Ağac aşdı, sürücü son anda xilas oldu - ANBAAN GÖRÜNTÜLƏR 📍Hadisə Xırdalan şəhərində baş verib.

Füzuli Rayon İcra Hakimiyyətinin (RİH) başçısının müavini - Ərazi-təşkilat və ictimai-siyasi məsələləri şöbəsinin müdiri Gülbahar Eyvazova vəzifəsindən azad edilib. Bakues.az İqtisadiyyat.az-a istinadən xəbər verir ki, bununla bağlı icra başçısı Alı Alıyev müvafiq əmr imzalayıb. Xatırladaq ki, G.Eyvazova ötən ay işdən çıxması ilə bağlı istefa ərizəsi yazıb. Ərizənin yazılmasına səbəb onun həyat yoldaşı Habil Eyvazovun sərxoş halda "Tiktok"da canlı yayım açaraq qeyri-etik ifadələr səsləndirməsi olub.