BBC News Pidgin

Nigeria Defense Minister, Christopher Musa don confam to BBC say one small team of US troops dey operate for di kontri. E say di US military go be "training team to prepare our troops for operations". Di minister no give details about di size of di team, wen dem land, wia dem base, or how long dem go dey for Nigeria. General Dagvin Anderson wey be di head of Africom also confam di development to tori pipo. @chukwunaemekingsl #usa🇺🇸 #bbcnewspidgin #nigeria #troops #insecurity

Friends and family still dey mourn di death of fast-rising singer Ifunanya Nwagene aka Nanyah wey snakebite kpai. Her sister-in-law and friend wey tok to di BBC News Pidgin tell us more about wetin happun on Saturday 31 January. Producer: @tamaraebiwei Edit: @mobolaji1352 #bbcnewspidgin #abuja #nigeria #nigeriatiktok #snake

2026 Grammys come wit record-breaking moments and different dramas wey pipo still dey tok about. @faititi take us through dis moments and di drama wey happun for music biggest night. 📹: @mobolaji1352 #bbcnewspidgin #losangeles #usa #grammys #nigeriatiktok

Di death of Ifunanyah Nwagene wey pipo sabi as Nanyah still dey cause tok-tok on social media afta snakebite kpai di 26-year-old promising singer for her house for Abuja. Di Federal Medical Centre, Abuja say dem bin provide immediate and appropriate treatment, including resuscitation efforts, intravenous fluids, intranasal oxygen, and di administration of polyvalent snake antivenom. According to dem, Nanyah bin suffer severe neurotoxic complications from di snake bite. "Despite all efforts to stabilise her condition and transfer her to di Intensive Care Unit for further treatment, she bin experience sudden deterioration just bifor di transfer. "Our team of professionals bin work diligently to provide CPR and oda life-saving measures; however, despite dis efforts, we bin dey unable to revive her," di hospital tok for statement wey dem release on Sunday 1 February. Presenter: @tamaraebiwei Edit: @temfilms606 #bbcnewspidgin #abuja #nigeria #nanyah #nigeriatiktok

Dog consumption for Nigeria na debatable issue but many pipo wey dey chop am dey give one reason or anoda. @i_yuba_iliya enta Dawaki Market for Plateau State, northcentral Nigeria, wey dem describe as di kontri biggest dog market, to understand how traders dey get dis dogs and why dog business dey boom. #bbcnewspidgin #plateau #nigeria #dog #nigeriatiktok🇳🇬🇳🇬🇳🇬

One month afta US send airstrikes go Sokoto State for northwest Nigeria, Offa residents for Kwara State, northcentral, still dey count dia losses becos di tin also touch dia side and destroy buildings. Di residents tell BBC News Pidgin say dem still neva get compensation for di losses. US bin send airstrikes to Lakurawa terrorists on Christmas Day and Nigerians still dey debate di impact of dis military action. Edit: @temfilms606 #bbcnewspisgin #offa #kwara #nigeria #usa

Titilope Akintola na Nigerian lady wey dey live wit Poland syndrome. She say di shame too much and she no tink am twice wen opportunity come for am to leave Nigeria to Ghana. But now, she don embrace hersef as body-shaming no dey move her again. #bbcnewspidgin #accra #ghana #nigeria

Diezani Allison-Madueke dey currently face five counts of receiving bribes and one charge of conspiracy to commit bribery for di United Kingdom, wey date back to her time as oil minister from 2010 to 2015. Prosecutors allege say Madam Diezani bin collect bribes from some big men for di Nigeria oil sector in order to help dem win contracts from di govment. She deny all di accuse. @chukwunaemekingsl explain more on dis case. Edit: @temfilms606 #bbcnewspidgin #london #uk #nigeria #nigeriantiktok🇳🇬

Popular Ghanaian rapper M.anifest say im hope for Africa no dey in di leaders but in di African pipo. For dis episode of Wetin Dey? M.anifest also tok about im influence in di industry, importance of High Life, and collaborations between artistes for di industry. Producer: @komla_adom 📹: @ernest.ansah3 Edit: @temfilms606 #bbcnewspidgin #accra #ghana #manifest #music

Di Nigerian Defence Headquarters finally admit say true-true some officers bin try to overthrow President Bola Tinubu. Dis na afta dem bin deny any coup attempt last year. Di first coup wey Nigeria experience na for 1966. But wetin happun to different coup plotters wey fail? Dis na wetin @officialtodah explain as e carry you go back in time. 📹: @mobolaji1352 #bbcnewspidgin #lagos #nigeria #coup #nigeria

Nigeria President Bola Tinubu dey "in great shape" despite say e fall for one reception ceremony for Turkey, one of im aides tok Sunday Dare tok. President Recep Tayyip Erdogan bin dey welcome President Tinubu for one official ceremony wen e stumble and fall but e quickly regain im footing afta dem assist am. Tinubu bin go Turkey to engage in strategic political and diplomatic discussions on shared values in finance, communication, trade and investment, according to di Presidency. Bayo Onanuga later tok say Tinubu bin step ontop one metal object "for floor, which make am lose im balance". But e get who no dey stumble and fall? 📹: @andrewgiftonic #bbcnewspidgin #ankara #turkey #tinubu #nigeria

Workers for di Federal Capital Territory Administration on Monday 26 January do ogbonge we-no-go-gree movement for Abuja as dem block di entrance of di FCTA headquarters wia di FCT Minister Nyesom Wike get im office. One video wey don go viral for social media show wia di protesting workers dey chase one car wey dem claim say na Nyesom Wike dey inside. Some of di tins wey dey vex di workers na allegedly salary wey govment dey owe dem for months, promotion arrears wey dem neva pay, and poor working conditions. Reporter: @chukwunaemekingsl Edit: @temfilms606 #bbcnewspidgin #abuja #fct #nigeria #wike

Govnor Uba Sani of Kaduna State don assure say di ova 160 churchgoers wey bandit kidnap on Sunday go return safely. For interview wit BBC News, e say e don get assurance from di Minister of Defence togeda wit di National Security Adviser say security base, most especially, di military base go dey established in di next few weeks. Interviewer: @madina_maishanu #bbcnewspidgin #nigeria #security #nigeriantiktok🇳🇬

‘God no give me dat grace’ - Olu of Warri on polygamy Olu of Warri, His Majesty Olu Atuwatse III, for dis episode of Wetin Dey? follow us yarn on di issue of polygamy and also tok on im scooter viral video. Producer: @tundeososanya Interviewer: @tamaraebiwei 📹: @temfilms606 #bbcnewspidgin #warri #delta #nigeria #nigeriantiktok🇳🇬