ကိုချမ်း💥

@H🍬♡ #💙 #positivevibes

“ဘာလို့ ငါ့ကျမှ ဒီလိုဖြစ်ရတာလဲ...” 💔 ကံဆိုးမိုးမှောင်ကျတဲ့ ကိစ္စတစ်ခုခု ကြုံလာရတိုင်း ကျွန်တော်တို့ ဒီမေးခွန်းကို မေးမိတတ်ကြတယ်။ အသည်းကွဲတာ၊ အလုပ်ဖြုတ်ခံရတာ၊ ယုံကြည်ရသူတွေရဲ့ သစ္စာဖောက်ခြင်းကို ခံရတာ … နာကျင်မှုတွေက အမျိုးမျိုး ရှိနိုင်ပါတယ်။ ဒီလိုအချိန်မှာ “မခံစားနဲ့” ၊ “စိတ်မညစ်နဲ့” လို့ ပြောရင် လက်တွေ့မကျပါဘူး။ နာကျင်တတ်တာက လူ့သဘာဝပါ။ ဒါပေမဲ့ နာကျင်ရပြီးရင်တော့ အဲဒီနာကျင်မှုကို အလကား မဖြစ်စေပါနဲ့။ နာကျင်ရတာချင်းအတူတူ တစ်ခုခုတော့ အမြတ်ထွက်အောင် ယူရပါမယ်။ စိတ်ပညာမှာ Post-Traumatic Growth ဆိုတဲ့ သဘောတရားတစ်ခု ရှိပါတယ်။ ၁၉၉၀ ပြည့်လွန်နှစ်တွေမှာ စိတ်ပညာရှင် Richard Tedeschi နဲ့ Lawrence Calhoun တို့ ဖော်ထုတ်ခဲ့တဲ့ သီအိုရီပါ။ ရိုးရိုးရှင်းရှင်း ပြောရရင် - ဒုက္ခတစ်ခုကြုံပြီးတဲ့နောက်မှာ အရင်ကထက် ပိုပြီး တိုးတက်ပြောင်းလဲသွားတာ ကို ဆိုလိုပါတယ်။ ဥပမာ - Gym ဆော့တဲ့သူတွေကို ကြည့်ပါ။ ကြွက်သားတွေ ကြီးထွားလာဖို့ဆိုတာ အရင်ဆုံး ကြွက်သားမျှင်လေးတွေ စုတ်ပြဲသွားအောင် အလေးမရ၊ နာကျင်ခံရပါတယ်။ အဲဒီ အသေးစား စုတ်ပြဲဒဏ်ရာလေးတွေ ပြန်ကောင်းသွားတဲ့အခါမှ ကြွက်သားက ပိုကြီးပြီး ပိုသန်မာလာတာပါ။ စိတ်နှလုံးသားကလည်း ဒီအတိုင်းပါပဲ။ ဒီတော့ နာကျင်မှုကနေ အမြတ်ထွက်အောင် ဘယ်လိုလုပ်ကြမလဲ? ✅ မေးခွန်းပြောင်းမေးပါ: သုတေသနတွေအရ ‘ဘာလို့ ငါ့ကျမှလဲ’ ဆိုတဲ့ မေးခွန်းက သင့်ကို သားကောင် နေရာရောက်စေပြီး စိတ်ဓာတ်ကျစေပါတယ်။ ငါ ဘာသင်ခန်းစာရလဲ ငါ အခု ဘာဆက်လုပ်လို့ရလဲ ဆိုတဲ့ မေးခွန်းက သင့်ကို ဦးဆောင်သူ နေရာကို ရောက်စေပါတယ်။ ✅နာကျင်မှုကို စာရင်းစစ်ပါ: ဒီကိစ္စကြောင့် ကိုယ့်ရဲ့ အားနည်းချက်ကို ကိုယ်သိလာရသလား။ ဘယ်သူတွေက မိတ်ဆွေစစ်လဲဆိုတာ သိလိုက်ရသလား။ ဒါတွေက ငွေပေးဝယ်လို့မရတဲ့ အသိတွေပါ။ သင်ခန်းစာရလိုက်ပြီဆိုရင် အဲဒီနာကျင်မှုက တန်ဖိုးရှိသွားပါပြီ။ ✅ ရှုထောင့်ပြောင်းကြည့်ပါ: ဂျပန်စာရေးဆရာ ဟာရူကီ မူရာကာမိ ပြောဖူးသလိုပါပဲ။ “မုန်တိုင်းပြီးသွားတဲ့အခါ မုန်တိုင်းထဲကို ဝင်လာတုန်းက လူနဲ့၊ ပြန်ထွက်သွားတဲ့လူက တူတော့မှာ မဟုတ်ပါဘူး” တဲ့။ သင်ဟာ အရင်ကထက် ပိုရင့်ကျက်တဲ့ Version တစ်ခု ဖြစ်လာပါပြီ။ တခါတလေကျရင် ကိုယ်ကြုံနေရတဲ့ နာကျင်မှုကို ကိုယ်တိုင် ဘာသာပြန်ဖို့ ခက်နေတတ်တယ်။ အဲဒီအခါမျိုးတွေကျရင် ကိုယ့်ထက်အရင် နာကျင်ဖူးပြီး အောင်မြင်သွားတဲ့သူတွေရဲ့ ဘဝအတွေ့အကြုံတွေ၊ အတွေးအခေါ်စာအုပ်တွေကို နားထောင်ကြည့်ပါ။ Shwe Nar Sin မှာရှိတဲ့ Biography တွေ၊ Self-improvement Audiobook တွေက သင့်ရဲ့ နာကျင်မှုကို ‘ပညာ’ အဖြစ် ပြောင်းလဲပေးမဲ့ ဓာတ်ကူပစ္စည်းတွေ ဖြစ်လာနိုင်ပါတယ်။ နာကျင်ရတာ တန်ပါစေ မိတ်ဆွေ ...။ သင်ခန်းစာတစ်ခုခု ရလိုက်ပြီဆိုရင် သင်ဟာ ရှုံးနိမ့်သူမဟုတ်ပါဘူး။ အတွေ့အကြုံရင့်တဲ့ လူသားတစ်ယောက် ဖြစ်လာတာပါ။ #ShweNarSin #Resilience #MondayMotivation #audiobooksmyanmar #crdစာသား

မိဘရဲ့ကိစ္စက ကိုယ့်ကိစ္စဆိုတာ သိလာတယ်။ မိဘရဲ့ဝန်တွေက ကိုယ်လည်း မျှဝေထမ်းရတော့မယ်လို့ အတွေးဝင်လာတယ်။ မိဘဝမ်းနည်းရင် ကိုယ်လည်း စိတ်မကောင်းဖြစ်ရတယ်။ မိဘအဆင်ပြေနေရင် ကိုယ်လည်း ဝမ်းသာတတ်လာတယ်။ အရွယ်ရောက်လာတာနဲ့အမျှ သိတတ်ခြင်းက အလိုလိုဝင်လာတယ်။ မိသားစုနဲ့ပတ်သက်ပြီး အစက ဘာမှစိတ်မဝင်စားခဲ့တာတွေကို သိလာအောင် သင်ယူခဲ့ရတယ် မိသားစု အရေးကိစ္စတွေမှာ ကိုယ်တိုင် ဝင်ပါလာရတယ်။ တခြားသူစိမ်းတွေနဲ့တာ ကိုယ်လွတ်ရုန်းလို့ရနိုင်ပေမယ့် မိသားစုနဲ့ပတ်သက်လာရင်တော့ မရှောင်လွှဲရက်ခဲ့ဘူး။ ကိုယ့်ကြောင့် မိဘနှစ်ပါးကို ဝန်ပေါ့စေချင်တယ်။ လိုအပ်တာတွေ ဖြည့်ဆည်းပေးချင်တယ်။ အရာရာ ထောက်ပံ့ပြီး သက်သာစွာ နေထိုင်စေလိုတယ်။ သိတတ်သူတွေရဲ့ကမ္ဘာမှာတော့ မိဘက ဦးစားပေးဖြစ်ခဲ့တယ်။ #JustNow #myownphoto #ကဗျာ crd#crdစာသား #positivevibes

@H🍬♡ #💙

ဦးညီထွဋ် သီချင်းမဆိုခင် Stateပေါ်မှာပြောသွားတဲ့စကားလေး အရမ်းသဘောကျတယ် "ကမ္ဘာကြီးကို ဖျက်ဆီးနေတာ တိရိစ္ဆာန်တွေ တစ်ကောင်မှမပါဘူး" တဲ့ မှန်လိုက်တာဗျာ တိရိစ္ဆာန်တွေက သစ်ပင်စိုက်ရင်စိုက်မယ်၊ သစ်တောကိုတော့ ဘယ်တော့မှ အကွက်ရိုက်ပြီး မဖျက်စီးဘူး သူတို့မှာ ဘဏ်အကောင့်မရှိဘူး၊ စက်ရုံမရှိဘူး၊ ပလတ်စတစ်ဆိုတဲ့ စကားလုံးကိုလည်း သူတို့ အဘိဓာန်မှာ မတွေ့ဖူးကြဘူး။ ခြင်္သေ့တစ်ကောင်ဟာ ဗိုက်ဆာမှ အမဲလိုက်တယ်၊ ကျန်တဲ့အချိန်မှာ အိပ်စက်ခြင်းနဲ့ ငြိမ်းချမ်းနေတတ်တယ်။ သူက နောက်တစ်ပတ်အတွက် သမင်အကောင် (၁၀၀) ကို စုဆောင်းပြီး ရေခဲသေတ္တာထဲ ထည့်မထားသလို၊ တောအုပ်တစ်ခုလုံးကိုလည်း သူ့ပိုင်နက်အဖြစ် ခြံစည်းရိုးခတ်ပြီး အိမ်ရာစီမံကိန်း မဖော်ဆောင်ဘူး။ "သယံဇာတ" ဆိုတဲ့ စကားလုံးကို တီထွင်လိုက်တဲ့နေ့ကစပြီး သစ်ပင်တွေဟာ သက်ရှိမဟုတ်တော့ဘဲ "ပရိဘောဂ" ဖြစ်လာတယ်။ မြစ်တွေဟာ သက်ရှိမဟုတ်တော့ဘဲ "လျှပ်စစ်စွမ်းအား" ဖြစ်လာတယ်။ ကျွန်တော်တို့ဟာ ကမ္ဘာကြီးကို ကယ်တင်ဖို့ "စိမ်းလန်းစိုပြည်ရေး" ဆိုတဲ့ ကြော်ငြာဆိုင်းဘုတ်တွေကို ပလတ်စတစ်နဲ့ ရိုက်နှိပ်ပြီး လမ်းဘေးမှာ ထောင်ထားကြတယ်။ "ငါ့အလှူမှာ ဟင်းအမယ်စုံတယ်" ဆိုတဲ့ ဂုဏ်ပုဒ်နဲ့ ကုသိုလ်ထုပ်ကြီးကို ပခုံးထမ်းဖို့ ကြက်အကောင်ရေဘယ်လောက်နဲ့များနိဗ္ဗာန်ကို လှေကားထောင်ဖို့ ကြိုးစား ေနတဲ့ မြင်ကွင်းကတော့... ကျွန်တော်တို့ဟာ ဘုရားရှေ့မှာ ဂါထာရွတ်တဲ့အခါ "သူတော်စင်" ဖြစ်ပြီး၊ ထမင်းဝိုင်းရှေ့မှာတော့ "ဘီလူး" စိတ်ပေါက်သွားတတ်ကြတာ သဘာဝပဲလားလို့ မေးလိုက်ချင်တယ် ကိုယ့်ရဲ့ အောင်မြင်မှုကို တိုက်ရိုက်မပြောဘဲ "ကံကောင်းလို့ပါ" ဆိုတဲ့ စကားလုံးနောက်မှာ ဖုံးကွယ်ရင်း၊ တစ်ဖက်လူက "မဟုတ်ပါဘူး၊ ရှင်က တကယ်တော်တာပါ" လို့ ပြန်ပြောလာမယ့် အချိန်ကို တံတွေးမြိုရင်း စောင့်နေတတ်ကြတဲ့ လူတွေ "ငါ့ဘဝကို ငါပိုင်တယ်၊ ဘယ်သူ့ဂရုစိုက်ရမှာလဲ" လို့ ကြွေးကြော်ပြီးမှ အပြင်သွားခါနီး မှန်ရှေ့မှာ နှစ်နာရီကြာအောင် ပြင်ဆင်နေရတဲ့ "ဘယ်သူ့ကိုမှ ဂရုမစိုက်တဲ့" လူတွေရဲ့ဒုက္ခကလဲမသေးဘူး စစ်ဘေးရှောင်ကလေးငယ်တစ်ယောက်ရဲ့ ဓာတ်ပုံအောက်မှာ "စိတ်မကောင်းလိုက်တာ၊ ဘုရားသခင်/ကံတရားက စောင့်ရှောက်ပါစေ" လို့ ကွန်မန့်ရေးတယ်။ ပြီးတော့ ကြက်ကြော်ကို Cocacolaနဲ့စားရင်း ဖုန်းဆက်ပွတ်တယ် အမှိုက်ကောက်တဲ့ ကလေးက ဘူးခွံလာတောင်းတော့ မကုန်သေးဘူးဆိုပြီး နှင်လွှတ်လိုက်တဲ့ အဝေးကြည့်ဂရုဏာတွေကလဲ လူတွေမှာပဲရှိတာ ငွေရှိပြီး ခွေးလောက်တောင် ဂုဏ်သိက္ခာမရှိတဲ့လူတွေ အမြဲတွေ့နေရတယ်။ #ဘဝဒဿန #ကိုချမ်း #crdစာသား #positivevibes

#capcut

(လူဖြစ်ခြင်း၏ အဓိပ်ပါယ်) လူဖြစ်ခြင်းဆိုတာ အသက်ရှင်နေတာပဲ မဟုတ်ဘူး။ အတွေးရှိခြင်း၊ ရွေးချယ်နိုင်ခြင်း၊ တာဝန်ယူနိုင်ခြင်းတို့ ပေါင်းစည်းထားတဲ့ အခြေအနေတစ်ခုပါ။ လူတစ်ယောက်ရဲ့ တန်ဖိုးကို ငွေကြေးနဲ့ မတိုင်းတာနိုင်ဘူး။ ရာထူးနဲ့လည်း မချိန်နိုင်ဘူး။ သူ့ရဲ့ ကိုယ်ကျင့်တရား၊ တာဝန်ယူမှု၊ သစ္စာရှိမှုတို့နဲ့ပဲ တိုင်းတာရတယ်။ ဘဝမှာ အရေးကြီးဆုံးက အခြားသူကို အနိုင်ယူနိုင်ခြင်းမဟုတ်ဘူး။ ကိုယ့်အလိုဆန္ဒတွေကို ထိန်းနိုင်ခြင်းပဲ ဖြစ်တယ်။ #စာရေးသူဆရာအောင်သင်း #စာပေနှင့်ပုံပြင် #crdစာသား

တောင်းပန်ရမှာ ကြောက်တဲ့အတွက် ဘယ်သူ့အပေါ်မှ မမှားမိအောင်နေတယ် နောင်ဘဝ မပျော်ရမှာ ကြောက်တဲ့အတွက် မကောင်းဘူး ထင်တဲ့အရာ ရသလောက်ရှောင်တယ် အသက်တိုမှာ ကြောက်တဲ့အတွက် ဘယ်သတ္တဝါကိုမှ မသတ်မိအောင် နိုင်သလောက် နေတယ် ကုသိုလ်ရချင်လို့ ဆီမီးမကပ်ဘူး တောင်းဆုပြည့်ချင်လို့လဲ ဦးမတိုက်ဘူး ဗုဒ္ဓဘုရားချခဲ့တဲ့ လမ်းစဥ်ဟာ နှုတ်ပါ လက်ပါ ရုံနဲ့ ဘာမှမရဘူး စိတ်ကပါမှသာ ငါတို့ဘာမဆို ဖြစ်နိုင်တာ ငါတို့ အမျှပေးနိုင်တာ ငါတို့ကောင်းနေမှသာ ဘာဖြစ်ပါစေ လို့ ဆုတောင်းခွင့် ရှိတာ ။ #ဒဿ -pic crd#crdစာသား

ဒီခေတ် ဒီအချိန်မှာ ဒီလိုမျိုးတွေ တွေ့ကြ၊ ကြုံကြရမယ်ဆိုတဲ့ အကြောင်းတွေ ပါလာလို့ပဲ ဖြစ်မှာပါ ။ သိပ်လည်း စိတ်ဓာတ်ကျမနေပါနဲ့ ၊ ဒီတိုင်းပြည်မှာ လက်တစ်ဆုပ်စာ လူနည်းစုကလွဲရင် အားလုံးဟာ ဒီဒုက္ခကြီးကို ရင်ဆီးခံနေကြရတဲ့ သူတွေချည်းပါပဲလေ !! #ဉာဏ် #စာတို #crdစာသား

လောကမှာ သနားတတ်တဲ့လူက အရှုံးတဲ့ သိပ်မှန်ပါတယ်။ သနားလို့ ကူညီလိုက်တာနဲ့ တချို့ လူတွေက လေးစားမှုတွေ မရှိတော့ဘူး တချို့ လူတွေက မပြောချင်လို့ ငြိမ်ခံနေလိုက်တယ် ဒါကို သူတို့က အခွင့်ကောင်းယူတယ် တစ်ဖက်လူက သနားလို့ ကြည့်နေတာကို သူ့ကိုသူ တော်တော်တတ်နေတယ်လို့ ထင်နေတာ အခွင့်အရေး ယူတယ်ဆိုတာ အတိုင်းအတာ တစ်ခုလောက်ပဲ ကောင်းပါတယ် တချို့ လူတွေက သည်းခံတယ်ဆိုတာ အတိုင်းအတာ တစ်ခုထိပဲ ရမယ် အဲ့လောက်ဆိုရင် သဘောပေါက်မှာပါ တချို့ လူတွေက ငြိမ်နေတာက အချိန်မတန်သေးလို့ပါ။#crdစာသား #စာတို

#crdစာသား #စာတို #fypシ゚

ဟိုး…တုန်းက ခုနှစ်တွေထဲမှာ ကျကျန်ခဲ့တာ ၊ သားတို့ အနာဂတ်တွေပေါ့ အမေရဲ့ ၊ ဘဝမှာ ကြိုးစားရင် ဘာမဆိုဖြစ်နိုင်တယ် ဆိုပေမဲ့လည်း တချို့အိပ်မက်တွေက တကယ်ကို နောက်ကျသွားခဲ့ပါပြီ !! #ဉာဏ်

လူ့သဘာဝရဲ့ မရောင့်ရဲနိုင်မှု... လက်ထပ်ပြီးသူတွေက အိမ်ထောင်ရေးကနေ ရုန်းထွက်ချင်ကြချိန်မှာ၊ လူပျိုလူလွတ်တွေကတော့ တစ်ယောက်ယောက်ရဲ့ အချစ်ကို ရရှိဖို့ မျှော်လင့်နေကြပြန်တယ်။ သာမန်လူတန်းစားတွေက ထင်ရှားကျော်ကြားချင်ကြပေမဲ့၊ နာမည်ကြီးသူတွေကျတော့လည်း တစ်ကိုယ်ရေ လွတ်လပ်ခွင့်လေးရဖို့ တောင်းတနေကြရတာပဲ။ အလုပ်များသူက အားလပ်ချိန်ကို မက်မောပြီး၊ အလုပ်လက်မဲ့ဖြစ်နေသူကတော့ ဘဝတည်ငြိမ်ဖို့အတွက် အလုပ်တစ်ခုကိုပဲ အသည်းအသန် ရှာဖွေနေရတယ်။ လူငယ်တွေက မိဘရဲ့ အုပ်ထိန်းမှုအောက်မှာ နေရတာကို ငြီးငွေ့တတ်ကြပေမဲ့၊ လူကြီးတွေကတော့ ကွယ်လွန်သွားတဲ့ မိဘတွေကို တစ်ခေါက်လောက် ပြန်တွေ့ခွင့်ရဖို့ ဘာကိုမဆို ပေးဆပ်ဖို့ အသင့်ရှိနေကြတယ်။ ကလေးတွေက လူကြီးအမြန်ဖြစ်ချင်ကြသလို၊ လူကြီးတွေကျတော့လည်း ဘာအပူအပင်မှမရှိခဲ့တဲ့ ကလေးဘဝကိုပဲ ပြန်ပြီး တမ်းတနေကြပြန်ရော...။#crdစာသား #fypシ゚

အချစ်ဆိုတာ အားနည်းချက် ကိုယ်စီကြားကနေ တစ်ဦးကိုတစ်ဦး နွေးထွေးရင်း၊ ကြင်နာရင်း ချစ်ရတာပါ။ အပြစ်အနာအဆာရှိတာနဲ့ စွန့်ပစ်သွားဖို့ မဟုတ်ဘဲ ရှေ့ဆက် အများကြီးပိုနွေးထွေးပေးဖို့ လိုအပ်ပါတယ်။ ကိုယ့်အားနည်းချက်တွေကို သိပြီးရင်တောင် လက်လွက်မသွားပဲ အနားမှာ ဆက်ရှိပေးနေတာမျိုးက တော်ရုံလူ မလုပ်နိုင်ဘူး။ ချစ်တာ လွယ်လားမေးရင် လွယ်တယ်။ အချိန်အကြာကြီးမငြိုငြင်ပဲ ဆက်ချစ်နေပေးဖို့ကသာ ခက်တာပါ။ အချိန်အကြာကြီး ဆက်ချစ်နေဖို့ မလွယ်ဘူးပေါ့။ လုံးဝကို ပြည့်စုံတဲ့လူမျိုးတွေ့မှ ချစ်မယ်ဆို အချစ်နဲ့ တွေ့ဖို့ လှမ်းဝေးအုံးမှာပါ။ ဘာလို့ဆို လောကမှာ Perfect Match ရယ်လို့ မရှိပါဘူး။ ကိုယ့်ထက်သာတဲ့သူကို တွေ့လာတိုင်း စွန့်ပစ်ဖို့၊ ထားခဲ့ဖို့မတွေးပဲ ကောင်းကွက်ကို ပြန်ရှာပြီး ထပ်တိုးချစ်ပေးတာမျိုး။ စကားများလို့ ရန်ဖြစ်ရင်တောင် လမ်းခွဲစကားကို ရှေ့တန်းမတင်ဘဲ ရင်ခုန်သံတွေ ပိုနီးစပ်အောင် ကြိုးစားတယ်။ ကိုယ့်တို့ဟာ အများကြီး ပြည့်စုံနေစရာမလိုပါ။ နှစ်တွေဘယ်လောက်ကြာသွားပါစေ ကိုယ့်ကိုပဲ ထပ်သလဲလဲ ရွေးချယ်ပြီး ချစ်ပေးမဲ့ လူမျိုးကို ပိုင်ဆိုင်ရဖို့ပဲ လိုအပ်တာပါ။ ကိုယ့်အချစ်နဲ့ ထပ်တူကြဖို့လူမျိုးနဲ့ တွေ့ဖို့တော့ အနည်းငယ် ခက်ပါတယ်။##crdစာသား

မင်းက ဘက်လိုက်လွန်းခဲ့တယ် ကိုယ်မရှိလို့ မဖြစ်ဘူးဆိုတဲ့ မင်းက တခြားတစ်ယောက်နဲ့ ကြတော့လည်း ပြုံးလို့ပျော်လို့ပါပဲ..။ လိုချင်လျက်နဲ့ လက်လွှတ်ခဲ့ရတာဟာ မလွယ်ပေမယ့် ပိုင်ဆိုင်ဖို့ကြတော့လည်း ခက်ခဲပြန်တယ်..။ မနှင်ပါပဲ ပြန်သွားတဲ့ ဧည့်သည်လေးရေ ကိုယ်တို့နှစ်ယောက် ရေစက်မှာ ဖူးစာကံ မပါခဲ့ဘူး..။ ဒဏ်ရာဆိုပေမယ့် နာကျင်နေရင်တောင် တိတ်ဆိတ်နေခဲ့ရတဲ့ နှလုံးသားဒဏ်ရာပါ..။ စောင့်မနေသူကို ပြေးလိုက်တော့လည်း မောရုံပဲရှိုမယ်..။ မင်းမှ မနီးချင်တာ ဝေးပါစေတော့..။ ပထမရောက်တဲ့ ကိုယ့်ကို ဒုတိယပေးခဲ့တဲ့ အထိ မင်းက ဘက်လိုက်လွန်းခဲ့တယ်..။#crdစာသား