𝑫𝑬𝑬𝑽 | ديڤ

صرت سپونج بوبه 🤷🏻‍♀️ اي شخصيات تحبون نسوي ؟ #outfit #tiktok #trending #fyp #tiktokfashion

اعداء النجاح لو صدك 🤷🏻‍♀️😆😂؟ #tiktokfashion #fyp# #trending #tiktok #outfit

اهلا ❤️ ريل اليوم للعرائس طبعا مستحيل نلخص كلشي يخص اطلالة العروس بريل اقل من دقيقه فخلي نكمل شوي اهنا بالكابشن الأخطاء الشائعة بالمظهر 1. مكياج ثقيل جداً يخفي الملامح. 2. شعر مثبّت زيادة يطلع قاسي أو غير طبيعي 3. إكسسوارات كثيرة تشتت الانتباه. 4. اختلاف لون الوجه عن الرقبة بسبب الفاونديشن. 5. فستان حلو بالشكل لكن مزعج بالحركة او غير مناسب للجسم . ✅ وخلونه متفقين انو كل محاور الاطلاله قائمه على الفستان يعني تختارون فستانكم وعلى هالاساس تختارون باقي التفاصيل : - اختيار الحذاء المناسب للعروس: الراحة مهمة جداًفي يوم الزفاف طويل ارتفاع الكعب حسب المناسبة والمكان: لو الزفاف في أرضية غير مستوية أو خارجي (حديقة/شاطئ) → اختاري كعب متوسط أو وِج أو حتى مسطح. لو الزفاف في قاعة داخلية جيدة الأرضية → ممكن كعب عالي انتبهي أن يكون الحذاء بلون قريب من الفستان (أبيض/عاجي) أو بلون محايد حتى لا يتعارض مع الفستان. وجدا عادي لو متحبين الكعب تلبسين فلات انثوي وانيق بلون ابيض بس مو لطيف تلبسين شوز رياضي ابيض ❌ الشعر والتسريحة اختاري التسريحة حسب شكل وجهك وتصميم الفستان: الوجه الدائري → تسريحة فيها ارتفاع خفيف تعطي طول. الوجه الطويل → تسريحة ناعمة جانبية أو كيرلي منسدلة. الوجه البيضاوي → أغلب التسريحات تناسبه. والنصائح متخلص وبالنهايه نرجع ونكول كل شخص اله ذوقه وطابع شخصي يحب يعكسه بيوم زفافه .. ف انتي شنو رأيج ؟ #عروس #bride #bridalmakeup #bridestyle #fashion

هذا الترند ينطيك شعور مو مريح بس حلو بنفس الوقت 😅 حبيت هذا التنسيق ينفع ايڤينت او مناسبه احب ادمج الذهبي ويا اللون البني واصلا هالتدرج بني محروق كلش ترندي هالشتويه الستره من هالبيج هذه يوزره على انستا "ryus.brand" التنوره و الجنطه والحذاء من شي ان #fashion #fashionstyle #fashionblogger #instafashion #instaoutfits

دتطلع ترندات حلوه هالفتره 😍 هذا عجبني اجمع بي ريلز سابقه لتصاميم وريلز الخياطه صار لطيف .. بالمناسبه صدك مرات ماكدر انام لان افكر بالتصاميم وسوالف الملابس وشلون راح اوصل للي ببالي 😂 وانتو شنو يسببلكم ارق ؟ #sewing #fashiondesigner ##designer #outfit #fyp

لتلبسي هيج 👎🏻 لبسي هيج ✅ #تصميم_ازياء #designer #styling #fashiondesigner #style

شايفين هالريل على كدما تعبني وصارت بي عكوسات گلت حتلو خلصته بال ١٢ بليل هم انزله 😂 المهم وحده من العكوسات اني جنت مصممه ستره وبنطلون بالقماشه السادا والشيفون ردت اسوي بي اكستينشن للبنطلون و وشاح للستره بس من اجيت اخيط هواي صارت عندي اخطاء فحورته وسويته تنوره وتوب بس شنو كلش ضل بنفسي التصميم الاول لان غريب وجديد جان طلع كلش جميل لو تنفذ صح .. القماش اخذته من @7.8x8 بصراحه فدشي بالاقمشه تلكون عدهم اقمشه جديده وغريبه اني مجربه اخذ منهم اكثر من مره .. وهسه احجولي شرايكم بس صيرو لطيفين تره چان اكثر فديو تصميم مهلك سويته لحد الان 🥲😂 ؟ #fashion #fashiondesigner #styling #designer #تصميم_ازياء

هالريل من مفضلاتي تنسيقات مستوحات من لعبة zombies vs plant طبعا هالفيد للمتعه فقط 😂 اقترحولي شنو اسوي شخصيات المره الجايه ؟ #فاشن #تنسيقات #fashion #style #styling

اهلا مشتاقتلكم 🫂 اهلا ❤️ اليوم 3 تنسيقات من شي ان الشحن كان من بيج شي ان البنفسجي على انستا هذا يوزرهم "my.shine2" التنسيق الاول حسيته ڤايب هندي 😆الثاني كلاسك انيق والثالث كاجول اكثر اي واحد تفضلون ؟ طبعا هالبيج حبيت التعامل وياهم الشحن كان خلال اسبوعين والقطع وصلو كاملين وتعاملهم لطيف و متوفر بحري وجوي 🫂 #shein #sheinoutfits #شي_ان #تنسيقاتي #outfit #fashion #fyp #ootd #fashionstyle #ti̇ktok

اهلا ❤️ تنسيقات اليوم من بيج بيرفكت على انستا هذا يوزرهم " perfect_fit11 " كلش لطيفه القطع بالاخص التنوره عمليه وقصتها حلوه .. اضافات وتعديلات بسيطه كلش على الملابس تنطيهم مضهر انيق وتبرز جمال قطع الملابس الي لابسيهن لان ببساطه لمجرد انكم لابسين القطعه بطريقه غلط سواء الوان او تنسيق لو مهما كانت حلوه وكوالتي ممتاز وغاليه فراح تبين اقل من قيمتها بهواي .. اي تنسيق تفضلون ؟ وويا شنو حتنسقون حسب ذوقكم وتفضيلكم ؟ #تنسيقاتي #outfit #style #stylist #styling #fyp #fashionstyle #explore #اوتفيت

اهلا 🤍 ريل اليوم تنسيق فساتين من بيج سبتمبر على انستا هذه يوزره " septemberbouitqe " كلش حبيت الاول القصه الواسعه وجماله ويا وبدون الحزام وكلش مستور ومناسب للمحجبات ، الثاني هم لطيف جدا وتغيير من ناحية لون ونقوش اما الثالث هم حلو بس احس على بنت جسمها ممتلئ اكثر مني يطلع احلى شنو رأيكم ؟ اي واحد عجبكم اكثر ؟. #تنسيقاتي #فساتين #فساتين_ناعمه #fashionstyle #drees #outfit #fashion #fyp #ootd #ملابس #SummerStyle #StyleInspo

تنسيق جديد باللون البرغندي 🤍💅🏻 شنو رأيكم #sewingtiktok #photographer #model #ootd #styling #fashiontiktok

موضة صيف 2025 هواي طلبتوها .. تركزت على الألوان الفاتحة والزاهية و الباستيل مثل الفوشي، الأخضر الفستقي، الأزرق السماوي ولون السنه الي هوه moca mousse الملابس الواسعة والخفيفة ايضا الكسرات والكشكشه كلش دارجه و الطبعات، خاصة الزهور و النقاط ، انتشرت بكثرة ، ايضا الاطقم الجينز رجعت للساحه هالموسم بالنسبة للأكسسوارات، الأقراط الكبيرة والسلاسل الطويلة والاساور الضخمه كانت من القطع المتداولة الجنط تنوعت بين الصغيرة جداً والمنسوجة اليدوية حسب نوع الإطلالة الصنادل المسطحة والمفتوحة كانت خيار عملي للنهار النظارات الشمسية الملونة استُخدمت كعنصر مكمل للستايل بشكل عام، التصاميم تمزج الراحة مع بعض اللمسات الملفتة الستايل مناسب لأجواء الصيف مع مجال للتنسيق الشخصي .. انتو شنو حبيتو من موضة هالسنه وهل راح تتبعوها ؟ موضة_صيف_2025 #أزياء_2025 #ستايل_صيفي #أكسسوارات_عصرية #أحذية_موضة #FashionTrends2025 #SummerStyle #StyleInspo #موضة_صيف_2025 #اكسسوارات #جنط #أحذية #ازياء_2025 #موضة_محايدة #fashion #explore

أهلا 🤍 تصميم جديد .. اول مره اخلص تصميم ب ٤ ايام من ناحيه خياطه وتصوير ومونتاج ف كلش حسيت انو حابه ابوسني 😂 بالاخص اني اشتغل كل الخطوات وحدي ف اي .. نعم اكو ملاحضات على التصميم اعرف بس اني اعتبره مستوى جيد بالنسبه للوقت والتركيز الي مو مسلط بشكل كامل على التصميم انما متوزع بين مجهود التصوير والترتيب و العرض و و و .. هسه السؤال المعتاد .. لو جنتو بدالي شنو راح تغيرون بيه ؟ #fashion #sewing #fashiongram #fashiondesigner #ootd #fyp #fashionstyle #خياطة ##خياطتي #تصميم #افكار #تصويري #photographer #model #photographer #sewingtiktok

اهلا ❤️ 3 تنسيقات ملابس للعيد بيج بسمله هذا يوزرهم على انستا "basma.lastore99" اي واحد تفضلون ؟ #eid #styling #fyp #fashionstyle #explore #ideas #eidoutfit #eidmubarak