JOQ News

Tragjedia e sotme e vulosur me vdekjen e gjyqtarit Astrit Kalaja është pasuar nga denoncime të vazhdueshme të Gjon Shkambit, xhaxhait të autorit Elvis Shkambi në media... Ky i fundit kishte denoncuar në emisionet investigative që në vitin 2020 se kishte përjetuar një kalvar të vërtetë gjyqësor për pronën e tij, një ndërtesë me truall, që pretendonte se prej vitesh i ishte uzurpuar. Ai deklaronte se edhe pse kishte fituar në shkallën e parë të gjyqit, Gjykata e Apelit ia kishte kthyer çështjen për rigjykim. Arsyeja? Sepse në dosje “në mënyrë magjike” ishin zhdukur dy procesverbale dhe akti i ekspertimit. Në vend që drejtësia të bënte punën e saj, dokumentet ishin “zhdukur” dhe procesi ishte kthyer në një maratonë burokratike pa fund. Në vitin 2020, Gjoni u shpreh i dëshpëruar: “Kam 4 vjet që sorrollatem. Më kanë vjedhur edhe dokumentet brenda në gjykatë!” Ndërkohë, pala tjetër, ishte armatosur me dokumente presupozohet të falsifikuara, dhe vazhdonte ende të qëndronte në ndërtesën e tij, ndërsa Prokuroria e Shkodrës prej 5 vitesh nuk kishte arritur në asnjë përfundim. Prokurori i çështjes në atë kohë, E.L, kishte deklaruar se i ishte caktuar një ekspert dhe ishte bërë një akt ekspertimi, por çështja kishte ngecur sërish, pasi eksperti ishte bërë… drejtor! Një histori e pabesueshme kjo e Shkambit, ku drejtësia shqiptare arrin të humbasë dokumentet e një çështjeje të fituar, ndërsa qytetari endej nëpër korridoret e gjykatave prej më shumë se katër vitesh në kërkim të asaj që ligji ia kishte njohur, por sistemi ia kishte “zhdukur”.

Instituti Parlamentar ka bërë publikë emrat e personaliteteve kombëtare që do të nderohen gjatë muajit tetor, por ajo që ka shkaktuar debat të fortë është përfshirja e ish-diktatorit Enver Hoxha në këtë listë. Vendimi mban firmën e kryetarit të Kuvendit, Niko Peleshi, i cili e ka renditur Hoxhën përkrah figurave të mëdha të letërsisë dhe historisë shqiptare, si Dritëro Agolli, Naim Frashëri dhe Sulejman Delvina. Përfshirja e udhëheqësit komunist që mbajti Shqipërinë të izoluar për 45 vite, duke burgosur dhe internuar mijëra qytetarë, është parë si një fyerje e rëndë për viktimat e diktaturës. Kritikët e cilësojnë vendimin si dëshmi të nostalgjisë së thellë që një pjesë e mazhorancës socialiste mban ende për epokën e errët të komunizmit. Ajo që ka ngjallur më shumë zemërim është përshkrimi zyrtar që Kuvendi i Shqipërisë i bën Hoxhës, duke e quajtur “Udhëheqës i Luftës Antifashiste Nacional Çlirimtare”, “Hero i Popullit” dhe “Hero i Punës Socialiste”. Vendimi tashmë ka ndezur një tjetër debat të nxehtë mbi mënyrën se si qeveria e sotme po trajton trashëgiminë e diktaturës komuniste.

Sali Berisha ka kandiduar Florian Binajn për Bashkinë Tiranë. Kreu i bluve e vlerësoi aktorin si një personalitet me reputacion të gjerë, duke theksuar se tek ai “qytetarët e Tiranës gjejnë më shumë se kushdo tjetër përfaqësimin e tyre të vërtetë”. Ai u bëri thirrje aleatëve opozitarë dhe qytetarëve të Tiranës që ta mbështesin kandidaturën e Binajt, duke e cilësuar atë si një zgjedhje që “i bën nder çdo qytetari”. Binaj do të kandidojë përballë Manastirliut të socialistëve për Bashkinë Tiranë. Duket se Berishës nuk i ndahet shpirti nga Rama aq sa e admironte në fshehtësi, duke rikthyer kohën 25 vite pas atëherë kur kryeministri kandidonte për kryebashkiak përballë Besnik Mustafajt. Sozia e Ramës i futur nën lëkurën e këtij të fundit por këtë radhë në versionin blu, është strukur në sqetullën e partisë dhe shpreson se do të shndërrohet në idhullin e tij në profesion, në jetën reale...

Shpresojmë që kandidati i opozitës ta mbajë premtimin elektoral.

Rrugët publike në Shqipëri janë burime pasurish nga paratë publike dhënë oligarkëve. Tuneli i Skarficës, pjesë e rrugës së re Kardhiq–Delvinë, është një rast tipik. Ndërtimi i tij, i nisur vite më parë dhe përuruar në 2022, u shoqërua me ankesa dhe hetime të shumta. Tenderi i lotit 7, që përfshinte ndërtimin e tunelit, shkoi deri në Prokurorinë e Posaçme, ku ish-drejtoresha e Rrugëve, Sonila Qato, u mor në hetim për shpërdorim detyre. Dyshohet se favorizoi një kompani, por pas ankimimeve, firma “Gjoka” e Rrok Gjokës fitoi kontratën prej rreth 20 MLN €. Tre vite pas përurimit, Tan Agolli i ARRSH ka konstatuar një mangësi serioze: Tuneli nuk ka sistem mbrojtjeje nga zjarri. Një problem që rrezikon sigurinë e automjeteve dhe udhëtarëve, dhe që e bën të duket qesharake shpenzimin e mëvonshëm të 800,000€ për të instaluar atë që duhej të ishte pjesë e projektit origjinal. Tenderi i ri i hapur nga ARRSH ka si objekt krijimin e “qendrës së MZSH dhe instalimet për mbrojtjen nga zjarri në tunelin Kardhiq–Delvinë”. Por kjo hap dilema të mëdha: pse nuk u parashikua sistemi në projektin fillestar? Kush mban përgjegjësi për këtë dështim? Zyrtarët aktualë apo ata që menaxhuan ndërtimin dhe përurimin e tunelit? Firma “Gjoka”, e njohur për fitimin e shumicës së tenderëve për rrugë me tunele në Shqipëri, përfshirë edhe projektin e Llogarasë në bashkëpunim me një kompani turke, është sërish në qendër të debatit. Përveç se merr paratë e taksapaguesve, kjo situatë ngre shqetësime mbi kontrollin dhe transparencën e projekteve publike. Ky skandal tregon se ndërtimi i tunelit, i cili kushtoi 20 MLN €, nuk përfundoi si duhet dhe tani shteti është i detyruar të shpenzojë sërish për të rregulluar gabimet që duhej të ishin shmangur që në fillim. Institucionet duhet të shtrojnë një hetim të plotë, për të kuptuar pse një element kaq kritik u injorua dhe kush do të mbajë përgjegjësi për një dështim që mund të kishte pasoja serioze për sigurinë publike.

Komisioni parlamentar për Kulturën, Turizmin dhe Diasporën nisi punën këtë të mërkurë, duke shënuar rikthimin në aktivitet të deputetes demokrate Jozefina Topalli pas tetë vitesh shkëputje. E ulur në karriget e parlamentit, Topalli kërkoi që seanca e parë të zhvillohej në një atmosferë më të relaksuar, duke ftuar kolegët e saj të konsumonin së bashku një kafe dhe të njiheshin me njëri-tjetrin. "Nëse më lejon, mendoj që ta relaksojmë pak. Është dita e parë, të prezantohemi me njëri-tjetrin. Ju kërkoj ndjesë, duke ardhur kërkova një kafe, si thoni të pimë gjithë një kafe, të votojmë kalendarin dhe të mbyllim këtë punë. Pastaj kemi kohë dhe i bëjmë të gjitha“–tha Topalli. Duket se Topalli, deputetja aktuale e PD, një nga figurat më të njohura të së djathtës shqiptare, pasi martoi djalin e saj të vetëm në një ceremoni private të mbajtur në kështjellën Miani në Romë në një ceremoni 500,000 euro preferon t'ia fusë një mendje të lehtë dhe ta nisë ditën e parë të punës në kafe.

Autoriteti Kombëtar i Ushqimit (AKU), i ngarkuar me garantimin e sigurisë ushqimore, ka bllokuar mijëra kilogramë mish dhe nënprodukte të infektuara me salmonelë, por nuk ka informuar konsumatorët për rreziqet. Këtu bëhet fjalë edhe për fshehjen e emrave të kompanive të oligarkëve që i ushqyen salmonelë popullit pa e informuar. Një ndarje pazaresh prej vitesh mes Mond Rrushit, Jeta Dedës, Fatjon Pashollit, Olsi Komicit, Manush Kullollit e të tjerëve mbi jetën e shqiptarëve në bashkëpunim me oligarkët e produkteve ushqimore. Gjatë pesë muajve të parë të vitit 2025, AKU ka konstatuar tre ngarkesa produktesh me salmonelë që kanë dalë në treg. Rasti i parë përfshinte 4.500 kg fileto derri të ngrirë, e cila fatmirësisht ishte ende në magazina dhe nuk kishte arritur te konsumatori. Subjekti u gjobit me 300 mijë lekë dhe iu urdhërua asgjësimi i të gjithë sasive problematike. Në një tjetër rast, u bllokuan 1.650 kg qofte zgare dhe 3.2 kg mish i grirë, gjithashtu të urdhëruar për asgjësim. Subjekti u gjobit me 100 mijë lekë për shkelje të kërkesave të gjurmueshmërisë. Sipas të dhënave të AKU, gjatë vitit 2023 u evidentua një rast me salmonelë, ndërsa gjatë vitit 2024, katër raste. Në një nga këto praktika u bllokua e gjithë linja e prodhimit: 38 kg mish i grirë dhe 92 kg kërnacka u urdhëruan për asgjësim, ndërsa subjekti u gjobit me 100 mijë lekë dhe u detyrua të kryente pastrimin dhe dezinfektimin e linjës së prodhimit. Një tjetër ngarkesë problematike përfshinte 200 kg kërnacka dhe 50 kg hamburgerë, të cilat gjithashtu u bllokuan dhe u urdhërua asgjësimi. Deri më tani, AKU nuk ka bërë të ditur emrat e kompanive përkatëse, duke argumentuar se procedurat dhe ankimet janë ende në proces. Të dashur qytetarë... Çfarë lexoni në media është vetëm “maja e ajsbergut” e një fenomeni shqetësues që prek sigurinë ushqimore në vend.

Duket se pas daljes në pension nga WWE, "The Undertaker" ka nisur punë agjent pronash në Shqipëri. Mënyra kreative e ngritjes nga varri për të blerë një pronë është përshtatur me humor nga agjenti Arbër Dervishaj. Videoja ka marrë vëmendje në rrjet dhe është pritur me humor nga audienca që po kërkon të blejë një pronë. Varri simbolizon vitet që i duhen një shqiptari për të blerë një pronë në atdhe. Me çmimet e tregut, një shqiptar me të ardhura mesatare vetëm shumë vite pasi të ketë rënë në varr mund të përballojë këto standarde të vëna nga paratë e drogës dhe krimit në botën e real estate.

Në një foto të fundit të publikuar nga Edi Rama në Facebook, kryeministri duket se ka adoptuar macen presidenciale Barom. Qimegjata është afruar menjëherë me kryeministrin duke iu ulur në prehër. Rama e ka zhvendosur nga presidenca për ta bërë pjesë të pandashme të zyrës aë tij në kryeminiatstri. Sipas burimeve të sigura për MV, Rama e mban në zyrë Baromin edhe kur firmos fatet politike të kundërshtarëve të tij. Ndërkohë, qytetarët nuk e kanë fshehur habinë e tyre, duke komentuar se në këtë skenë politike, macja presidenciale duket të ketë barometrin më të ulët, por një efekt maksimal në “preherin” e ekzekutivit duke e shoqëruar eksperincën me "purr-ing të gjatë".

80 Milionë Lekë i është akorduar nga qeveria ish-zv/ministres së Shëndetësisë Mira Rakacollit për t'u kuruar jashtë vendit. Çeku i dytë me 50 Milion Lekë iu dha ditën që e liruan nga posti që mbante. Pse një nga figurat më të larta të shëndetësisë shqiptare nuk i beson sistemit që vetë ka drejtuar dhe mbrojtur publikisht? Ish-zv/ministrja e Shëndetësisë, Mira Rakacolli, ka zgjedhur trajtimin onkologjik jashtë vendit, një fakt që ngre pikëpyetje të mëdha mbi besueshmërinë dhe cilësinë e shërbimit në spitalin Onkologjik të Tiranës. Qeveria shqiptare, disa vite më parë, miratoi një fond prej 30 milionë lekësh për mjekimin e saj jashtë vendit, duke pranuar de facto se Onkologjiku nuk ofron standardet e nevojshme për trajtime të tilla. Ky vendim ekspozon kontradiktën e madhe mes propagandës politike dhe realitetit të hidhur të pacientëve shqiptarë. Për qytetarët e zakonshëm skenari është krejt tjetër. Ata nuk kanë miliona lekë në dispozicion, nuk kanë vendime qeverie që mbulojnë kostot e trajtimit dhe shpesh mbeten peng i mungesës së medikamenteve dhe terapive bazike. Pyetja që lind është e thjeshtë: Nëse Onkologjiku është me “protokolle ndërkombëtare” dhe “standarde europiane”, pse përfaqësuesit e qeverisë nuk kurohen aty? A vlen më pak jeta e qindra pacientëve shqiptarë që presin me shpresë në korridoret e Onkologjisë? Ky rast e zhvesh propagandën shëndetësore dhe nxjerr në pah një realitet të dhimbshëm: spitali që qeveria e promovon si model, shërben vetëm për të varfrit, ndërsa të pushtetshmit zgjedhin klinikat private jashtë Shqipërisë të financuara nga paratë e popullit.

Skandali i rimbursimeve të barnave ka marrë përmasa të reja ditët e fundit. Prokuroria e Tiranës ka ndërhyrë fuqishëm në ambientet e CFO Pharma të oligarkut Nadir Çausholli, duke sekuestruar inventarët dhe gjithë dokumentacionin që lidhet me rimbursimet e barnave. Operacioni u shoqërua me praninë e forcave të shumta policore që prej ditës së djeshme. Shifrat e fryra të nuk kaluan pa u vënë re. U konstatua se Fondi i Sigurimit të Detyrueshëm të Kujdesit Shëndetësor (FSDKSH) kishte rimbursuar dhjetëra mijëra kuti ilaçe më shumë se sa ishin furnizuar realisht në treg. Në këtë mënyrë u zbulua një skemë mashtrimi e ndërtuar në disa nivele. Barnat e deklaruara fiktivisht kalonin më pas tek CFO Pharma, përmes transaksioneve false, dhe nga aty shpërndaheshin në disa farmaci. Skema përfundonte me rimbursimin e padrejtë të parave nga shteti, duke dëmtuar rëndë buxhetin publik. Por kjo nuk është hera e parë që Çausholli është përfshirë në një skandal të tillë. Ai është përfitues i një numri të frikshëm tenderash publikë me shkelje në sektorin e Shëndetësisë, ku ka përfituar miliarda lekë në shkelje nga paratë publike. Çausholli njihet si miku oligark i Veliajt i cili ka ekskluzivitetin e autobusave të Unazës të cilët shpesh bëhen instalacione nëpër qytet duke përplasur makina e qytetarë në kryeqytet. Duket se Veliaj po e tërheq zvarrë pas hekurave për shoqëri oligarkun e përfshirë në afera zhvatjesh, të denoncuara prej vitesh nga JOQ.

Pavarësisht ankimimit të Veliajt në Gjykatën Kushtetuese, Presidenti Bajram Begaj ka firmosur dekretin për zhvillimin e zgjedhjeve të parakohshme në kryeqytet dhe në pesë bashki të tjera të vendit. Data e caktuar është 9 nëntori 2025. Begaj ka dalë kështu kundër ligjit për Ramën, pasi Veliaj e ka ankimuar vendimin e shkarkimit në Gjykatën Kushtetuese. Presidenti nuk ka pritur vendimin e gjykatës për kërkesën e Veliajt duke shkelur ligjin e duke i hapur rrugë zgjedhjeve të reja për Tiranën. “Presidenti i Republikës dekretoi sot ditën e dielë, datë 9 nëntor 2025, si datën për zhvillimin e zgjedhjeve të pjesshme për kryetar bashkie për bashkitë Tiranë, Vlorë, Berat, Mat, Tepelenë dhe Cërrik, pas marrjes së njoftimit për vakancat nga Këshilli i Ministrave në datën 30 shtator 2025.” Sipas vendimit, vakancat në bashkitë Vlorë, Berat, Mat, Tepelenë dhe Cërrik erdhën si pasojë e dorëheqjes së kryetarëve aktualë, ndërsa në Tiranë u krijua pas shkarkimit të Erion Veliajt nga Këshilli i Ministrave. Vendimi për shkarkim u mbështet nga Këshilli Bashkiak i Tiranës, ku shumica dhe pakica votuan së bashku, 50 vota pro dhe vetëm 1 kundër duke hapur rrugën për zgjedhje të parakohshme në kryeqytet.

Prokuroria Themelore në Ferizaj ka ngritur aktakuzë ndaj reperit të njohur Betim Januzi, i cili njihet me emrin artistik Buta, duke e akuzuar për shitblerje narkotikësh dhe mbajtje të armëve pa leje. Ai u arrestua më 11 shtator dhe aktualisht ndodhet në paraburgim prej një jave. “Më 11 shtator 2025, me vendim të Prokurorit të Shtetit, është ndaluar i dyshuari B.J., në kohëzgjatje prej 48 orësh për shkak të dyshimit se i njëjti ka kryer veprën penale ‘Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’ dhe ‘Mbajtja në pronësi, kontroll ose posedim të paautorizuar të armëve’. Prokurori i Shtetit më 12 shtator 2025 ka paraqitur kërkesë për caktimin e masës së paraburgimit prej 30 ditësh në Gjykatën Themelore të Ferizajt”, theksohej në njoftimin e Prokurorisë. Sot u mbajt seanca e parë gjyqësore ndaj reperit. Sipas hetimeve të Prokurorisë, më 11 shtator rreth orës 21:00, në rrugën “Zenel Hajdini” në Ferizaj, reperi është ndaluar gjatë një kontrolli rutinë nga policia. Gjatë kontrollit të automjetit BMW që ai drejtonte, është gjetur një qese me kokainë (0.30 gr), ndërsa në çantën e tij janë zbuluar edhe tre qese të tjera me gjithsej 1.32 gr kokainë dhe një qese me 0.46 gr marihuanë. Në banesë, policia gjeti edhe dy qese marihuanë me peshë 2.62 gr. Të gjitha u sekuestruan si prova materiale. Prokuroria shtoi se gjatë kontrollit iu gjet edhe një armë zjarri dhe municion. “Policia gjatë një kontrolli rutinë ka ndaluar veturën e tipit BMW dhe gjatë kontrollit në veturën e tij është gjetur një armë zjarri e tipit pistoletë, me një karikator dhe 16 fishekë të tipit luger 9×9 mm, kurse, me rastin e kontrollit në banesën e tij janë gjetur edhe 26 fishekë të tipit luger me kalibër 9×9 mm”, njoftoi Prokuroria. Nga ana tjetër, avokati i reperit, Naim Ferati, tha se nuk ka autorizim për të dhënë deklarata për media. “Nuk mund të konfirmojmë asgjë, nuk kemi autorizim për me u prononcu për media për këtë rast”, u shpreh ai.

Oligarkët më të pushtuar kanë shanset më të mëdha për t'u shpallur fitues në tender ✝️

Konfirmohet/ Ministrja e re i ka zyrat në Metalurgjikun e Elbasanit.