KBZ Foundation

၂၀၂၆ ခုနှစ်၊ မတ်လ (၂) ရက် (တနင်္လာနေ့) သည် တောင်သူလယ်သမားနေ့၊ အများပြည်သူ ရုံးပိတ်ရက် ဖြစ်ပါသဖြင့် KBZ Center Mandalay အား ပိတ်ထားမည် ဖြစ်ပါကြောင်း လေးစားစွာ ကြိုတင်အသိပေး ကြေညာအပ်ပါသည်။ #KBZCenterMandalay #Earthquakereliefefforts #Rehabilitationefforts #KBZBank #CSRInitiative

"ကျွန်မတို့ ကျောက်ကပ်ဆေးရတာ KBZ Center Mandalay မှာက ဘာအားသာချက်လေး ရှိသလဲဆိုရင် ကျောက်ကပ်ဆေးပြီးသွားလို့ရှိရင် ကျွန်မတို့ ဒီခန္ဓာထဲမှာရှိနေတဲ့ အဆိပ်အတောက်တွေက ပြေလျော့သွားလို့လား မသိဘူး။ ပေါ့ပါးသွားတယ်။" ဆေးဝါးကုသမှုခံယူသူတစ်ဦး၏ ဝမ်းသာပီတိစကားသံ KBZ Center Mandalay တွင် ငွေကြေးခက်ခဲပြီး ကျောက်ကပ်သွေးသန့်စင်ခြင်း ပြုလုပ်ရမည့် လူနာများအတွက် အခမဲ့ ကျောက်ကပ်သွေးသန့်စင်ကုသပေးခြင်းကို ဖေဖော်ဝါရီ (၂) ရက်နေ့မှစတင်၍ အပတ်စဥ် တနင်္လာနေ့မှ စနေနေ့အထိ ပြုလုပ်ပေးလျက် ရှိပါသည်။ အခမဲ့ ကျောက်ကပ်သွေးသန့်စင် ကုသမှုကို လတ်တလောတွင် စက်လေးလုံးဖြင့် ဆောင်ရွက်ပေးနေခြင်း ဖြစ်ပါသဖြင့် ထပ်မံ၍ စက်အလုံးရေ (၁၆) လုံး တပ်ဆင်ပြီးစီးပါက လျှောက်လွှာတင်ထားပြီးသူများအား ဦးစားပေး ရွေးချယ်သွားမည် ဖြစ်ပါသည်။ KBZ Center Mandalay မှ ဆောင်ရွက်ပေးနေသည့် ကျန်းမာရေး ဝန်ဆောင်မှုများနှင့် ပတ်သက်၍ စုံစမ်းမေးမြန်းခြင်း၊ ကြိုတင်စာရင်းပေးသွင်းခြင်းတို့ကို ဆောင်ရွက်လိုပါက KBZ Center Mandalay ၏ Call Center ဖုန်း (၀၉ ၉၄၁ ၆၀၀ ၉၉၉) သို့မဟုတ် U9 ဖုန်း ကိုင်ဆောင်သူများအတွက် Short Code ၁၀၁၀ သို့ နေ့စဉ် တနင်္လာနေ့မှ သောကြာနေ့အတွင်း နံနက် ၉ နာရီမှ နေ့လယ် ၁၂ နာရီအထိ ဆက်သွယ်နိုင်ပါသည်။ #KBZCenterMandalay #Earthquakereliefefforts #Rehabilitationefforts #KBZBank #CSRInitiative

မန္တလေးမြို့၊ ချမ်းမြသာစည်မြို့နယ်၊ ၇၃ လမ်း၊ ၁၁၀ လမ်းထောင့်ရှိ KBZ Center Mandalay တွင် မြန်မာနိုင်ငံ လူမှုကယ်ဆယ်ရေးအဖွဲ့ (မန္တလေးတိုင်းဒေသကြီး ကော်မတီရုံး) နှင့် KBZ Bank၊ KBZ Center Mandalay တို့ ပူးပေါင်းဖွင့်လှစ်သည့် Emergency First Responder Training (Batch-2) ၏ လက်တွေ့မြေပြင် လေ့ကျင့်ခန်း ပြုလုပ်ခြင်းကို ဖေဖော်ဝါရီလ ၈ ရက်နှင့် ၉ ရက်တို့တွင် ပြုလုပ်ခဲ့သည်။ Emergency First Responder Training သင်တန်းကို သဘာ၀ဘေးများတွင် ဘေးဒဏ်သင့်ပြည်သူများ၏ မဆုံးရှုံးသင့်သော အသက်အိုးအိမ် စည်းစိမ်များ ယခုထက်ပိုမို စနစ်တကျ ထိရောက်စွာ ကူညီ/ကယ်ဆယ် ပေးနိုင်ရန် ရည်ရွယ်ပြီး ဖွင့်လှစ်ခဲ့ခြင်း ဖြစ်သည်။ #KBZCenterMandalay #Earthquakereliefefforts #Rehabilitationefforts #KBZBank #CSRInitiative

၂၀၂၆ ခုနှစ်၊ ဖေဖော်ဝါရီလ (၁၂) ရက်နေ့မှ (၁၇) ရက်နေ့သည် အများပြည်သူ ရုံးပိတ်ရက်များ ဖြစ်ပါသဖြင့် KBZ Center Mandalay အား ပိတ်ထားမည် ဖြစ်ပါကြောင်း လေးစားစွာဖြင့် ကြိုတင်အသိပေးအပ်ပါသည်။ အဆိုပါ ပိတ်ရက်များအစား လာမည့် ဖေဖော်ဝါရီလ (၂၁) ရက် (စနေနေ့) တွင် စင်တာအား ပြန်လည်အစားထိုး ဖွင့်လှစ်ပေးသွားမည် ဖြစ်ပါသည်။ အရိုးအကြော အထူးကုဆရာဝန်ကြီး ဦးဝင်းကိုမှ ဖေဖော်ဝါရီလ (၁၃) ရက်နေ့အစား (၁၁) ရက်နေ့တွင် ကြည့်ရှုစစ်ဆေး ကုသပေးသွားမည် ဖြစ်ပါသည်။ #KBZCenterMandalay #Earthquakereliefefforts #Rehabilitationefforts #KBZBank #CSRInitiative

"ကျွန်မတို KBZ Center Mandalay မှာ ငွေကြေးခက်ခဲပြီးတော့ ကျောက်ကပ်သွေးသန့်စင်ခြင်း ပြုလုပ်ရမယ့် လူနာတွေအတွက်ကို ဖေဖော်ဝါရီ (၂) ရက်နေ့ကစပြီး အခမဲ့ ကျောက်ကပ်သွေးသန့်စင်ခြင်း ပြုလုပ်ပေးနေပါပြီရှင့်" ဒေါက်တာထွေးသီရိကျော်ညွန့် - Medical Team တာဝန်ခံ, KBZ Center Mandalay KBZ Center Mandalay တွင် ငွေကြေးခက်ခဲပြီး ကျောက်ကပ်သွေးသန့်စင်ခြင်း ပြုလုပ်ရမည့် လူနာများအတွက် အခမဲ့ ကျောက်ကပ်သွေးသန့်စင်ကုသမှုကို ယနေ့ဖေဖော်ဝါရီ (၂) ရက်နေ့မှစတင်ပြီး ပြုလုပ်ပေးလျက် ရှိပါသည်။ KBZ Center Mandalay အနေဖြင့် အခမဲ့ကျောက်ကပ်သွေးသန့်စင် ကုသမှုကို ဆောင်ရွက်ပေးနိုင်ရန် လျှောက်လွှာပုံစံထုတ်ပေးခြင်းနှင့် လျှောက်လွှာပုံစံလက်ခံခြင်းတို့ကို ဆောင်ရွက်ခဲ့ပြီး စီစစ်ရွေးချယ်၍ အခမဲ့ ကျောက်ကပ်သွေးသန့်စင်ကုသမှုကို ယနေ့တွင် စတင်ဆောင်ရွက်ပေးနေခြင်း ဖြစ်ပါသည်။ အခမဲ့ကျောက်ကပ်သွေးသန့်စင်ကုသမှုကို လတ်တလောတွင် စက်လေးလုံးဖြင့် ဆောင်ရွက်ပေးနေခြင်း ဖြစ်ပါသဖြင့် ထပ်မံ၍ စက်အလုံးရေ (၁၆) လုံး တပ်ဆင်ပြီးစီးပါက လျှောက်လွှာတင်ထားပြီးသူများအား ဦးစားပေးရွေးချယ်သွားမည် ဖြစ်ပါသည်။ KBZ Center Mandalay မှ ဆောင်ရွက်ပေးနေသည့် ကျန်းမာရေး ဝန်ဆောင်မှုများနှင့် ပတ်သက်၍ စုံစမ်းမေးမြန်းခြင်း၊ ကြိုတင်စာရင်းပေးသွင်းခြင်းတို့ကို ဆောင်ရွက်လိုပါက KBZ Center Mandalay ၏ Call Center ဖုန်း (၀၉ ၉၄၁ ၆၀၀ ၉၉၉) သို့မဟုတ် U9 ဖုန်း ကိုင်ဆောင်သူများအတွက် Short Code ၁၀၁၀ သို နေ့စဉ် တနင်္လာနေ့မှ သောကြာနေ့အတွင်း နံနက် ၉ နာရီမှ နေ့လယ် ၁၂ နာရီအထိ ဆက်သွယ်နိုင်ပါသည်။ #KBZCenterMandalay #Earthquakereliefefforts #Rehabilitationefforts #KBZBank #CSRInitiative

“ကျွန်မတို့ KBZ Center Mandalay မှာ ကျန်းမာရေး အထွေထွေရောဂါဝေဒနာ ခံစားနေရသူတွေအတွက် အထွေထွေရောဂါ အထူးကုသမားတော်ကြီးမှ အခမဲ့ ဆွေး‌နွေးကုသပေးနေပါတယ်။ အခမဲ့ ကျောက်ကပ်သွေးသန့်စင် ကုသမှုကိုလည်း မကြာမီဆောင်ရွက်ပေးသွားမှာ ဖြစ်ပါတယ်” #KBZCenterMandalay #Earthquakereliefefforts #Rehabilitationefforts #KBZBank #CSRInitiative #CommuinitySupport #ByMyanmarForMyanmar #KBZFoundation

KBZ Center Mandalay တွင် မြန်မာနိုင်ငံ လူမှုကယ်ဆယ်ရေးအဖွဲ့ (မန္တလေးတိုင်းဒေသကြီး ကော်မတီရုံး) နှင့် KBZ Bank၊ KBZ Center Mandalay တို့ ပူးပေါင်းဖွင့်လှစ်သည့် Emergency First Responder Training (Batch-1) ၏ လက်တွေ့မြေပြင် လေ့ကျင့်ခန်း ပြုလုပ်ခြင်းကို ဇန်နဝါရီလ ၁၂ ရက်နှင့် ၁၃ ရက်တွင် ပြုလုပ်ခဲ့သည်။ လေ့ကျင့်ခန်းဆင်းရာသို့ တိုင်းဒေသကြီးနှင့် ပြည်နယ်များမှ သင်တန်းသား (၄၀) ဦး တက်ရောက်ခဲ့ပြီး သင်တန်းနည်းပြဆရာများမှ ကယ်ဆယ်ရေးပစ္စည်းများကို လက်တွေ့အသုံးပြု သင်ကြားပေးခဲ့သည်။ #KBZCenterMandalay #Earthquakereliefefforts #Rehabilitationefforts #KBZBank #CSRInitiative

KBZ Center Mandalay တွင် အခမဲ့ ကျောက်ကပ်သွေးသန့်စင် ကုသမှုများ မကြာမီ စတင်တော့မည် ဖြစ်ပါသဖြင့် ကုသမှုခံယူလိုသော လူနာများ အနေဖြင့် အောက်ပါအတိုင်း လျှောက်ထားနိုင်ပါသည်။ 📝 လျှောက်လွှာပုံစံ ထုတ်ယူခြင်း 🏥 နေရာ - KBZ Center Mandalay၊ ၇၃ လမ်းနှင့် ၁၁၀ လမ်း (မနော်ဟရီလမ်းထောင့်)၊ ချမ်းမြသာစည်မြို့နယ်၊ မန္တလေးမြို့။ ၂၀၂၆ ခုနှစ်၊ ဇန်နဝါရီလ ၈၊ ၉၊ ၁၀ ရက် အတွင်း နံနက် ၉:၀၀ နာရီမှစတင်ပြီး စင်တာတွင် လျှောက်လွှာပုံစံများ လာရောက် ထုတ်ယူရပါမည်။ လျှောက်လွှာ လာရောက်ထုတ်ယူသည့်အခါ လူနာ မှတ်ပုံတင်မူရင်းကိုပါ တစ်ပါတည်း ယူဆောင်ရန်လိုအပ်ပါသည်။ နေ့စဉ် သတ်မှတ်ထားသော လျှောက်လွှာအရေအတွက် အကန့်အသတ်ရှိပါသည်။ သတ်မှတ် လျှောက်လွှာ အရေအတွက် ပြည့်သွားပါက ဆက်လက်​ရယူနိုင်မည်မဟုတ်ပါ။ 📝 ဖြည့်စွက်ပြီး လျှောက်လွှာများတင်သွင်းခြင်း 📆 ရက်စွဲ - ၂၀၂၆ ခုနှစ်၊ ဇန်နဝါရီလ ၁၅ နှင့် ၁၆ ရက် (၂ ရက်သာ) ⏰အချိန် - နံနက် ၉:၀၀ နာရီမှ ညနေ ၄:၀၀ နာရီအတွင်း လိုအပ်ချက် - ဖြည့်စွက်ပြီးသော လျှောက်လွှာများနှင့်အတူ လူနာ၏ နောက်ဆုံးကုသမှုဆိုင်ရာ ဆေးမှတ်တမ်း အထောက်အထားများ၊ ဆရာဝန်ထောက်ခံချက်များကို တစ်ပါတည်း တင်ပြရန် လိုအပ်ပါသည်။ 📝 အတည်ပြု အကြောင်းကြားခြင်း လက်ခံရရှိသော လျှောက်လွှာများကို တာဝန်ရှိ ဆရာဝန်ကြီးများက စနစ်တကျ စိစစ်သွားမည် ဖြစ်ပါသည်။ ကုသမှု ရယူနိုင်သော လူနာများကို ဇန်နဝါရီလ နောက်ဆုံးအပတ်အတွင်း တိုက်ရိုက်ဆက်သွယ်၍ အကြောင်းကြားပေးသွားမည် ဖြစ်ပါသည်။ #KBZCenterMandalay #Earthquakereliefefforts #Rehabilitationefforts #KBZBank #CSRInitiative

📌နှစ်သစ်ကူးပိတ်ရက် ကြေညာခြင်း 📌 ၂၀၂၆ ခုနှစ်၊ နိုင်ငံတကာ နှစ်သစ်ကူး ရုံးပိတ်ရက်အဖြစ် KBZ Center Mandalay ကို အောက်ပါရက်များတွင် ပိတ်ထားမည်ဖြစ်ကြောင်း လေးစားစွာဖြင့် အသိပေးအပ်ပါသည်။ 📍ဇန်နဝါရီလ (၁) ရက် (ကြာသပတေးနေ့) (နိုင်ငံတကာ နှစ်သစ်ကူးရုံးပိတ်ရက်) 📍ဇန်နဝါရီလ (၂) ရက် (သောကြာနေ့) (နိုင်ငံတကာ နှစ်သစ်ကူးရုံးပိတ်ရက်) 📍ဇန်နဝါရီလ (၃) ရက် (စနေနေ့) (ရုံးပိတ်ရက်) 📍ဇန်နဝါရီလ (၄) ရက် (တနင်္ဂနွေနေ့) (လွတ်လပ်ရေးနေ့ရုံးပိတ်ရက်) ၂၀၂၆ ခုနှစ်၊ ဇန်နဝါရီလ (၅) ရက် (တနင်္လာနေ့) တွင် KBZ Center Mandalay ကို ပုံမှန်အတိုင်း ပြန်လည်ဖွင့်လှစ်သွားမည် ဖြစ်ပါသည်။ #KBZCenterMandalay #KBZBank #KBZFoundation

မန္တလေးမြို့၊ ချမ်းမြသာစည်မြို့နယ်၊ ၇၃ လမ်းနှင့် ၁၁၀ (မနော်ဟရီ) လမ်းထောင့်ရှိ KBZ Center Mandalay တွင် Rotary Club of Yadanabon Myanmarမှ ဦးစီးကျင်းပသည့် မူးယစ်ဆေးဝါးအကြောင်း သိကောင်းစရာများ ဟောပြောပွဲကို နိုဝင်ဘာလ (၂၅) ရက်နေ့က ပြုလုပ်ခဲ့သည်။ "Better Community, Better Future Mandalay ကို စနစ်တကျ ဖွံ့ဖြိုးတိုးတက်စေနိုင်မယ့် Youth Development, Education, Health & Water Sanitation, Disaster Relief တို့အပေါ် အခြေခံပြီး တည်ငြိမ်ပြီး ကြာရှည်တည်မြဲသော လူမှုဖွံ့ဖြိုးမှုကို ရည်ရွယ်ထားပါတယ်" ဟု Rotary Club of Yadanabon Myanmar ၏ President ဦးမျိုးဝင်းအောင်မှ ပြောကြားခဲ့သည်။ ဟောပြောပွဲတွင် Rotary Club of Yadanabon Myanmar ၏ President ဦးမျိုးဝင်းအောင်မှ အဖွင့်အမှာစကား ပြောကြားပြီးနောက် Rotary Club အကြောင်းကို ကိုရှနုမှ ရှင်းလင်းပြောကြားခဲ့သည်။ ဆက်လက်၍ မူးယစ်ဆေးဝါးအကြောင်း သိကောင်းစရာများအား ဆရာဦးဇော်သူလင်းမှ ဆွေးနွေးကြပြီးနောက် ဟောပြောပွဲသို့ တက်ရောက်လာသူများမှ သိလိုသည်များ မေးမြန်းလာမှုအပေါ် ဆရာဦးဇော်သူလင်းမှ ပြန်လည်ရှင်းလင်း ဖြေကြားပေးခဲ့သည်။ ထို့နောက် Rotary Club of Yadanabon Myanmar ၏ Community Service Chair ဆရာမပိုပိုဘိုမှ ကျေးဇူးတင်စကား ပြောကြားပြီး ဟောပြောပွဲ အစီအစဥ်ကို ရုပ်သိမ်းခဲ့ပါသည်။ #KBZCenterMandalay #Earthquakereliefefforts #Rehabilitationefforts #KBZBank #CSRInitiative #CommuinitySupport #ByMyanmarForMyanmar #KBZFoundation

သင်ရော မိသားစုနဲ့ ဆရာ၊ ဆရာမတွေကို ကျေးဇူးတင်စကား ပြောပြီးပြီလား? မန္တလေးငလျင်ကြီး လှုပ်ခတ်ခဲ့တာ ရက်ပေါင်း ၂၀၀ ကျော် ရှိပြီမို့ ဖေးမကူညီခဲ့တဲ့ မိသားစုနဲ့ ဆရာ၊ ဆရာမတွေကို ကျေးဇူးတင်စကား ပြောကြားရမယ့် အချိန်ဖြစ်ပါတယ်။ KBZ Center Mandalay မှာ ပြုလုပ်ခဲ့တဲ့ မန္တလေးမြို့ခံ စာရေးဆရာ၊ သတင်းစာဆရာ၊ ဆရာဆူးငှက်နှင့် KBZMS တို့ပူးပေါင်းပြုလုပ်ခဲ့တဲ့ “ရှင်သန်နိုးထလာသော မန္တလေးမှ လူငယ်များ” တွေ့ဆုံပွဲမှာတော့ တက်ရောက်လာတဲ့ ကျောင်းသား၊ ကျောင်းသူများမှ ဖေးမကူညီခဲ့တဲ့ မိသားစုနဲ့ ဆရာ၊ ဆရာမတွေကို ကျေးဇူးတင်ကြောင်း KBZ Center Mandalay မှာရှိတဲ့ Gratitude Wall ပေါ်မှာ မှတ်တမ်းတင် ရေးသား ဖော်ပြခဲ့ကြပါတယ်။ မိတ်ဆွေတို့လည်း ကိုယ့်ရဲ့ဘဝ ပြန်လည်ထူထောင် လာနိုင်ဖို့အတွက် ဖေးမကူညီခဲ့တဲ့ ကိုယ့်မိသားစုနဲ့ ကိုယ့်ဆရာ၊ ဆရာမတွေကို ကျေးဇူးတင်စကားပြောဖို့ မေ့နေတယ်ဆိုရင် အခုပဲ တိုက်ရိုက် ဒါမှမဟုတ် ဖုန်းဆက်ပြီးပဲဖြစ်ဖြစ် ပြောလိုက်ပါတော့။ Facebook မှာ Post တင်ပြီးဖြစ်ဖြစ် comment ကတစ်ဆင့်ဖြစ်ဖြစ် Mention ခေါ်ပြီး ကျေးဇူးတင်စကား ရေးသားမယ် ဆိုရင်တော့ ကျေးဇူးတင်စကားတွေ တစ်စုတစ်စည်းထဲ မြင်တွေ့နိုင်ဖို့အတွက် Post တိုင်းမှာ #MandalayThanks ဆိုတာလေး ထည့်ရေးဖို့ မမေ့နဲ့နော်... #RelyonUs #MandalayisPhoenix #MandalayThanks

KBZMS နှင့် မန္တလေးမြို့ခံ စာရေးဆရာ၊ သတင်းစာဆရာ၊ ဆရာဆူးငှက်တို့ ပူးပေါင်း၍ “ရှင်သန်နိုးထလာသော မန္တလေးမှ လူငယ်များ” ခေါင်းစဉ်ဖြင့် တွေ့ဆုံပွဲကို မန္တလေးငလျင် လှုပ်ခတ်ပြီး ရက်ပေါင်း (၂၂၉) ရက်ကြာ နိုဝင်ဘာလ (၁၂) ရက်တွင် KBZ Center Mandalay ၌ ပြုလုပ်ခဲ့သည်။ ဒုတိယကမ္ဘာစစ်ဘေး၊ မီးဘေး၊ ကပ်ရောဂါဘေးနှင့် ငလျင်ဘေးတို့ အကြိမ်ကြိမ် ကျရောက်ခဲ့ဖူးသည့် မန္တလေးမြို့သည် အကြိမ်ကြိမ် ပြန်လည်နိုးထလာနိုင်ခဲ့သည့်နည်းတူ ယခုတစ်ကြိမ်တွင်လည်း ပြန်လည် နိုးထလာနိုင်စေရန်နှင့် စိတ်ခွန်အားများ ရရှိစေရန် ရည်ရွယ်၍ ပြုလုပ်ခဲ့ခြင်း ဖြစ်သည်။ တွေ့ဆုံပွဲသို့ ကျောင်း (၇) ကျောင်းမှ ကျောင်းသား (၁၀၀) တက်ရောက်ခဲ့ကြပြီး ငလျင်ဒဏ်ကြုံတွေ့ ချိန်တွင် ထောက်ပံ့ကူညီ အားပေးခဲ့သူများကို ကျောင်းသား ကျောင်းသူများမှ KBZ Center Mandalay ရှိ Gratitude Wall တွင် အောက်မေ့သတိရ ကျေးဇူးတင်စကားများ ရေးသားခဲ့ကြပါသည်။ #KBZCenterMandalay #Earthquakereliefefforts #Rehabilitationefforts #KBZBank #CSRInitiative #CommuinitySupport #ByMyanmarForMyanmar #KBZFoundation #RelyonUs #MandalayisPhoenix #MandalayThanks

၂၀၂၅ ခုနှစ်၊ နိုဝင်ဘာလ (၁၄) ရက်၊ သောကြာနေ့သည် “အမျိုးသားနေ့” ရုံးပိတ်ရက် ဖြစ်ပါသဖြင့် KBZ Center Mandalay အားပိတ်ထားမည် ဖြစ်ပါကြောင်း လေးစားစွာဖြင့် ကြိုတင်အသိပေးအပ်ပါသည်။ #KBZCenterMandalay #Earthquakereliefefforts #Rehabilitationefforts #KBZBank #CSRInitiative #CommuinitySupport #ByMyanmarForMyanmar #KBZFoundation

KBZ Center Mandalay တွင် ဇွန်လမှ စတင်ပြီး လူမျိုးဘာသာမရွေး အခြေခံကျန်းမာရေး အထွေထွေရောဂါ ကုသမှုများ၊ Ultrasound နှင့် X-Rays ရိုက်ကူးခြင်းများ၊ အရိုးအထူးကု ဆရာဝန်ကြီးများနှင့် ကုသနိုင်မည့် ဝန်ဆောင်မှုများကို အခမဲ့ ဆောင်ရွက်ပေးလျက် ရှိပါသည်။ အရိုး၊ အကြော၊ အဆစ်ဆိုင်ရာ ရောဂါဝေဒနာ ခံစားနေရသူများအတွက် အပတ်စဉ် ဗုဒ္ဓဟူးနေ့နှင့် သောကြာနေ့တွင် KBZ Center Mandalay ၌ အရိုးအထူးကု ဆရာဝန်ကြီးများနှင့် အခမဲ့ ဆွေးနွေးကုသမှု ပြုလုပ်နိုင်ရန် စီစဥ်ထားပါသည်။ သို့သော် စင်တာရှိ သက်ဆိုင်ရာ ဆရာဝန်များနှင့် ရှေးဦးပဏာမ ဆွေးနွေးတိုင်ပင်မှု (Consultation) ပြုလုပ်ပြီးမှသာ အရိုးအထူးကုဆရာဝန်ကြီးများ၏ ကုသမှုကို ဆက်လက် ခံယူရမည် ဖြစ်ပါ၍၊ တနင်္လာနေ့မှ သောကြာနေ့ နံနက် ၉ နာရီခွဲမှ နေ့လည် ၁၂ နာရီအတွင်း Call Center ဖုန်း (၀၉ ၉၄၁ ၆၀၀ ၉၉၉) သို့မဟုတ် U9 ဖုန်းကိုင်ဆောင်သူများအတွက် Short Code ၁၀၁၀ မှတစ်ဆင့် ဆွေးနွေးတိုင်ပင်မှု ပြုလုပ်နိုင်ရန် ကြိုတင်၍ ရက်ချိန်းရယူရမည် ဖြစ်ပါသည်။ သက်ဆိုင်ရာ ဆရာဝန်များနှင့် ဆွေးနွေးတိုင်ပင်မှု ပြုလုပ်ပြီးစီးပါက အရိုးအထူးကုဆရာဝန်ကြီးများနှင့် ဆက်လက် ပြသနိုင်ရန် ရက်ချိန်းကို တစ်ပါတည်း သတ်မှတ်ပေးသွားပါမည်။ (မှတ်ချက်။ ။ ဆေးခန်းပြရန်အတွက် မိမိ ဘိုကင်ရယူထားသော အချိန်ထက် နာရီဝက်ခန့်စော၍ ကြိုတင် လာရောက်ပေးရန် လိုအပ်ပါသည်။) #KBZCenterMandalay #Earthquakereliefefforts #Rehabilitationefforts #KBZBank #CSRInitiative #CommuinitySupport #ByMyanmarForMyanmar #KBZFoundation

KBZ Center Mandalay တွင် စတုတ္ထအကြိမ်မြောက် စုပေါင်းသွေးလှုဒါန်းပွဲ ကျင်းပ မန္တလေးမြို့၊ ချမ်းမြသာစည်မြို့နယ်၊ ၇၃ လမ်းနှင့်၁၁၀ (မနော်ဟရီ) လမ်းထောင့်ရှိ KBZ Center Mandalay တွင် ယနေ့ (အောက်တိုဘာလ ၂၅ ရက်) နံနက် ၉ နာရီခွဲက စတုတ္ထ အကြိမ်မြောက် စုပေါင်းသွေးလှုဒါန်းပွဲ ကျင်းပခဲ့ပါသည်။ စတုတ္ထအကြိမ်မြောက် စုပေါင်းသွေးလှူဒါန်းပွဲတွင် KBZ Bank များမှ ဘဏ်ဝန်ထမ်းများ၊ မိတ်ဖက်အဖွဲ့စည်းများမှ သွေးလှူရှင်များနှင့် ပြည်သူများမှ လာရောက်သွေးလှူဒါန်းခဲ့ကြသည်။ ပထမအကြိမ် စုပေါင်းသွေးလှူဒါန်းပွဲတွင် သွေးအိတ် (၁၅၇) အိတ်၊ ဒုတိယအကြိမ် စုပေါင်းသွေးလှူဒါန်းပွဲတွင် သွေးအိတ် (၂၉၁) အိတ်၊ တတိယအကြိမ်မြောက် စုပေါင်းသွေးလှူဒါန်းပွဲတွင် သွေးအိတ် (၁၀၀) နှင့် ယခုစတုတ္ထအကြိမ်မြောက် သွေးလှူဒါန်းပွဲတွင် သွေးအိတ် (၈၀) ကျော်တို့ကို ရရှိခဲ့ပြီး အမျိုးသားသွေးလှူဘဏ် (မန္တလေး) သို့ ပေးအပ်လှူဒါန်းခဲ့ပြီး ဖြစ်ပါသည်။ #KBZCenterMandalay #Earthquakereliefefforts #Rehabilitationefforts #KBZBank #CSRInitiative #CommuinitySupport #ByMyanmarForMyanmar #KBZFoundation