محمد وليد

🪻

البيوت العراقية هي سجن وعذاب روحي وجسدي وعقلي لكثير من البشر .. #محمد_وليد #دكتورة_بان

#محمد_وليد

#محمد_وليد

عقول جاهله عليها أن تتعلم شنو هو المنطق وشنو هو النقد وتبدأ تدرُس وتبحث وتثقّف نفسها زياده حتى تلزم كاميرا وتطلع تتحدّث وتطرح أفكار أمام الجمهور . #نقد #محمد_وليد #تنمية_بشرية

⁨ تبًا للعقول الكافرة .. لأن جميعها كافرة .. إن الله لا يسكُن العقول .. بل يسكن القلوب … الأوهام العقلية المسجونة بسجن اللُغة ، اللي تراود كل عقل بينا : هذا ما وجدنا عليه أبائنا وأجدادنا ، وإنا على آثارهم مقتدون .. ( وهم عقلي .. ممكن عقلي يخدعني ويضعّف إيماني .. ) أو مُمكن تكون مُعتقدات وهمية إنزرعت ببالي .. من الطفولة مثلًا .. والعلم عندك مثلًا .. والنظريات والفسلفة مثلًا .. وبين الربوبية والملحدين مثلًا .. وبين اللادينيين مثلًا .. وبين كُل ما قال وما قيل .. وبين كل هذا الصُداع والدوامات الفكرية .. بين كل المشاعر والأحاسيس الغريبة .. بين كل شعور .. وبين كل نُكران .. وبين كل دحض .. وبين كل نقد .. وبين كل عقول البشرية منذُ القِدَم .. وبين كل لحظة وعي .. وبين كل لحظة إدراك .. بالنهاية راح تخرس العقول .. وتندثر الأفكار .. ويختفي الوعي من الدُنيـا .. ويبقى وجه ربُّك ذو الجلال والإكرام . من روح الله .. إلى مسكن الله الجسد .. ومن ثُمَّ العودة إلى الله .. من الله .. إلى الله .. تلك هي الحقيقة الوحيدة .. #محمد_وليد

منو الأحسن ..؟ وهو بالحقيقه راح يكون أحسن .. لكن ينتهي من دون البشر .. #محمد_وليد #وعي #ذكاء_اصطناعي #انسان

⁨ بيك سرطان .. : محمد .. آني مو بس دكتورك ..كلشيء إعتبرني .. واللي أريد أگوله إلك وآسف .. للأسف الشك طلع بمكانه … بيك سرطان .. : هنا آني چنت وحدي .. ما خلّيت أحد يدري من چنت جاي أراجع ولا مخوّف أحد .. وحتى الأشخاص اللي قريبين عليه ويعرفوني بالواقع أو المواقع كلها عرفت (بعد ما عدّيت وعبرت الوضع كلّه ..) عوفك من كل هذا الكلام ، خليني أعرفك على نفسي أيّها القارئ .. آني محمد وليد الضعيف … آني محمد وليد الضعيف جسديًا .. إي نعم .. بكتريا لا تُرى بالعين المُجرده ممكن تكتلني .. ڤايروس واحد ما ينشاف ممكن ينهيني .. سياره تدعمني مثلًا.. عثره من درج تنهيني وتنهي كل هاي الهوسه والإستعراض اللي جاي تشوفه هسه .. ( الموت يحيط بيّه .. ويحيط بينا وموجود بكل مكان ) لكن ما چنت متوقّع راح يكون صديقي بيوم من الأيام .. ( هو صار صديقي تدري ليش ؟ ، لأن وحتى ما أطوّل عليك هو جايني أكثر من مره ، لكن بآخر مره إجاني بيها اللي هي بفترة السرطان ) حسّيته ديوصِّلي رساله ويگلي بيها .. : “ بعد وكت .. عندك فُرصه ثانيه ، بعدني بعيد عليك .. ، وبعدك بعيد عليه .. بعده الله ما إنتهى منك على هاي الأرض ، بعدها روح الله بداخلك ومو هذا وقتها .. “ لذلك أي نعم .. آني محمد وليد .. الضعيف جسديًا لكن آني القوي روحيًا .. روحي اللي نفخها الله بيّه .. حاشى أن لا تكون عظيمه وتُحيط بالسماوات والأرض .. وأكيد طبعًا ... بعد ما عشت الحزن وصدمة الخبر .. وصلت المرحله فكرت بيها وگلت .. : آني فايز بالحالتين ، إذا كتلته الهذا المرض فَراح أفوز .. وإذا كتلني هم معناها راح أفوز .. الجسد ينتهي ، أمّا روحي فَ لا .. لأن عظيمه كَون النافخها عظيم .. هذا الڤيديو اللي دتشوفه حاليًا هو بعد كل اللي صار .. ورجعت بحيلي .. لكن مو بقوّة جسدي وحده .. لأن جسدي إستسلم نوعًا ما بوقتها .. بس روحي هي اللي رجِّعت الحياة الهذا الجسد وساندته .. تشوفني هسه ممكن رجعت بحيلي وقوي ولله الحَمد .. وإستعراض وهوسه وباكگراوند ميوزك .. “ لكن بالنهايه إحنا كلنا نهايه ، بس يبقى الطريق الهاي النهايه بإيدنا ، هل راح نخلّي نظيف .. أو لا .. “ وها صدگ ، نسيت أگلك شغله .. ميحتاج تعرّفني على نفسك أيها القارئ .. لأن آني أعرفك .. أعرفك وكلماتي راح توصلك وتوصل الروحك .. يمكن كلماتي هاي هي الراح توصل .. أو يمكن الكلمات اللي راح تكون بين إيديك بالمُستقبل على شكل كتاب .. أشهد أنّي لستُ فقط بجسد .. بل بروح عظيمه .. وروح الله حاشى أن لا تكون عظيمه .. - محمد وليد #محمد_وليد #سرطان #كتاب

أشو تصوير التيك توك يختلف .. #محمد_وليد #سادس #طلاب

قلم جاف .. #محمد_وليد

الرحمه والخلود .. #محمد_وليد #الكوت #حريق

الإنسان هو الخالق .. #الله #محمد_وليد #فلسفة

⁨ شفت الله .. لكن هالمرة كانت تختلف .. : آني كإنسان حالي من حالك .. هم تايه وحاير بالأفكار والآراء الغريبة .. مابين الأفكار والآراء المُختلفة .. ومابين المغالطات اللي يقع بيها المحلدين بنقاشاتهم مع المسلمين .. والمسلمين بنقاشاتهم مع الملحدين .. وكل هاي الهوسه اللي تحيرك وين تتجه وشنو تختار وبشنو تؤمن بالضبط .. تصفن بينك وبين نفسك وتحِس نفسك تعبت .. تعبت لأن ماكو شخص گاعد يدلّك على الحقيقه ( وحتى وإن وجِد فهذا مجرد وهم .. إي نعم وهم لأن الحقيقه لازم تعرفها بذاتك وإنتَ اللي تقنع روحك .. مو غيرك يقنعك ) . العين هي أكثر شيء مرعب بجسم الإنسان .. حاسة النظر هي حاسة شيطانية و وهمية (بأغلب الأحيان) وممكن تأذينا وتدمر حياتنا لو ما نعرف نتعامل ويّاها .. إحنا مازلنا متوقعين إن أي شيء تشوفه عيونا فمعناها هو حقيقي .. وهذا هو الرعب اللي يولّد كل الشكوك اللي جاي تقرأها أو تسمعها أو تخوض بيها .. الشكوك من قبيل ( هل الله موجود .. ولو كان موجود .. هل إله الإسلام هو الإله الحقيقي ؟ لو غيره ؟ ) . مثل هيچ موضوع ما ينحل وينتهي بكاپشن .. أو كم كلمه ، لكن راح أنطيك فكره آني توصلتلها من بعد بحث طويل ..واللي هي : ( غمّضت عيني .. وتخيلت البشرية من أول ما إنوجدت أو إنخلقت على الأرض .. منذ بداية وجودها .. ، وإلى غاية اليوم وكذلك شفت مصيرها اللي هو واضح شنو نهايته ... بديت اتأملها واتأمل تطورها .. ، وبعدها صعدت بنظرتي وخيالي إلى خارج الكره الأرضيه .. وبديت أشوف العالم من زاوية بعيدة وشگد حجمهم ضئيل وبسيط ولا يُرى .. وهاي الهوسة اللي جاي نعيشها بكل شكوكها لا شيء ومجرد تفاهات لا تقدم ولا تأخر .. وبنفس الوقت اللي ما يدخل بهالتفاصيل راح يكون شخص عظيم ) . وأثناء لحظة التأمل والخيال اللي جاي أتخيله آني شخصيًا .. دوّرت على الله بخيالي خارج الكرة الأرضية ( جاي أدوّر عليه بالكون وفجأة … أدركت إنُ "عيني" هي شيطان .. شيطان قاتل ومولّد للشكوك … عيني متشوف كلشيء ! عيني محدودة .. لكن "فكري" مو محدود .. ما يحتاج أدوّر على الله بالعالم الخارجي .. لأن آني جاي أشوف الله .. إي نعم جاي أشوفه لكن مو بعيوني .. آني جاي أشوفه بگلبي .. لأن هو وبكل بساطة .. بداخلي .. لذلك عوفك من هاي الهوسة كلها .. عيشها إذا تحِب ، لكن لا تخليها تأذيك وتشتتك وتدمّر حياتك وتزرع الحقد والكره بداخلك تجاه غيرك.. اللي عليك إنُ تعيش الفيلم الخاص بيك.. لأن نهايته الهذا الفيلم معروفة وهي وحدة وكلنا نعرفها وكلنا راح نوصل لنفس النهاية اللي وصلولها السابقون واللي راح يوصلولها اللاحقون . - محمد وليد⁩

هو شوف ، نهايتنا إحنا كلنا معروفة .. لكن الطريق الهاي النهاية والرحلة تختلف ، وإنتَ بكيفك بعد .. #محمد_وليد #الحياة #فلم

عشوائيات إلحادية : #محمد_وليد #عشوائيات