🇦🇿AZİNFORUM.AZ www.tik

Həbsdə olan sabiq deputat Hüseyn Abdullayevin barəsində olan qərardan verilən kassasiya şikayəti üzrə məhkəmə prosesi keçirilib. Azinforum.az APA-ya istinadla xəbər verir ki, bu gün Ali Məhkəmədə hakim Nazim Mövsümovun sədrliyi ilə keçirilən prosesdə Hüseyn Abdullayevin şikayətini geri götürdüyü məlum olub. Xatırladaq ki, Bakı Ağır Cinayətlər Məhkəməsinin hökmünə əsasən, Hüseyn Abdullayev 3 il dövlət və özəl sektorda vəzifə tutmaq hüququ məhdudlaşdırılmaqla 9 il müddətinə azadlıqdan məhrum edilib. Bakı Apellyasiya Məhkəməsi hökmü qüvvədə saxlayıb. Qeyd edək ki, Baş Prokurorluğun yaydığı məlumata görə, Abdullayev Hüseyn Abbas oğlu və qeyriləri tərəfindən bir sıra Avropa ölkələrində külli miqdarda pul vəsaitlərinin leqallaşdırılmasına dair xarici ölkələrin aidiyyəti orqanlarından daxil olmuş müraciətlər əsasında Baş Prokurorluğun aidiyyəti idarəsində araşdırmalar aparılmış və daxil olmuş materiallar İstintaq idarəsinə təqdim edilməklə istintaq yolu ilə araşdırılıb. İstintaqla Hüseyn Abdullayevin bilə-bilə cinayət yolu ilə əldə etdiyi əmlakın həqiqi mənbəyini gizlətmək məqsədi ilə özünün və ailə üzvlərinin adlarına ölkəmizdə fəaliyyət göstərən banklarda açılmış 7 bank hesabı vasitəsi ilə ümumilikdə 5.5 milyon manatdan artıq pul vəsaitini müxtəlif fiziki və hüquqi şəxslərin Azərbaycan Respublikası və xarici ölkələrdəki bank hesablarına köçürməklə, konvertasiya əməliyyatlarını həyata keçirməklə, habelə qanunsuz əqdlər bağlamaqla yaxın qohumunun adına Azərbaycan Respublikası ərazisində daşınmaz əmlaklar alaraq həmin məbləğdə pul vəsaitini leqallaşdırmasına əsaslı şübhələr müəyyən edilib. Toplanmış sübutlar əsasında Hüseyn Abdullayev Cinayət Məcəlləsinin 193-1.3.2-ci (cinayət yolu ilə əldə edilmiş xeyli miqdarda əmlakı leqallaşdırma) maddəsi ilə təqsirləndirilən şəxs qismində cəlb edilərək barəsində müstəntiqin vəsatəti və ibtidai araşdırmaya prosessual rəhbərliyi həyata kiçirən prokurorun təqdimatı əsasında məhkəmənin qərarı ilə həbs qətimkan tədbiri seçilib. Cinayət işi üzrə ibtidai istintaq tamamlanaraq baxılması üçün aidiyyəti üzrə Bakı Ağır Cinayətlər Məhkəməsinə göndərilib. Cinayət əməllərinin törədilməsində iştirak etmiş digər şəxslərin müəyyən edilərək məsuliyyətə cəlb olunmaları istiqamətində istintaq tədbirləri davam etdirilməklə, leqallaşdırma hesabına əldə edilmiş əmlaklar, digər qanunsuz maliyyə əməliyyatları və əqdlər barədə ayrı-ayrı ölkələrə hüquqi yardımların göstərilməsi ilə bağlı vəsatətlər göndərilib, eləcə də, həmin ölkələrin səlahiyyətli orqanları ilə qarşılıqlı əməkdaşlıq çərçivəsində zəruri olan bütün tədbirlər icra edilir. Qeyd edək ki, Hüseyn Abdullayev 2018-ci ildə həbs edilib. O, xeyli miqdarda maddi ziyan vurmaqla dələduzluqda ittiham edilərək 6 il müddətinə azadlıqdan məhrum edilmişdi.

Meyxanaçı Rüfət Nasosnu özünə yeni iş tapıb. O, "Kanal S"də aparıcılıq edəcək. Söz ustası hələ aparıcı qoltuğuna oturmadan şikayətini dilə gətirib: "Şənbə və bazar günləri 2 saat 30 dəqiqə veriliş aparıram. Biz kiçik səhvlər edirdik, amma digər insanları qınayırdıq ki, niyə belə edirlər? Hazırda görürəm ki, aparıcılıq çox çətindir. Verilişimdə cəmi 6 dəqiqəlik reklam var, 2 saat 24 dəqiqə danışıram. Üstəgəl canlı ifalar yoxdur, yalnız fonoqramdır. Çox çətindir, illər ərzində necə dözmüsünüzsə, heyranam".//milli.az #azinforum

Azərbaycanlı biznesmen Ümid Abuzərli Rumıniyada 40 villadan ibarət iri daşınmaz əmlak kompleksi alıb. Azinforum.az xəbər verir ki, bu barədə məlumatı jurnalist Elçin Alıoğlu sosial şəbəkədə paylaşıb. O bildirib ki, Rumıniyanın “Profit.ro” portalının 29 yanvarda dərc etdiyi məlumata görə, layihə Azərbaycanın Salyan rayonunun İcra Hakimiyyətinin keçmiş başçısı Tahir Kərimovun oğlu Ümid Abuzərli tərəfindən yaradılmış şirkət vasitəsilə həyata keçirilib. Ü.Abuzərlinin yaratdığı “Memaar Capital” şirkəti Rumıniyanın Buxarest şəhərinin şimal kənarında, İlfov qraflığının Voluntari bölgəsindəki Pipera məhəlləsində yerləşən və əvvəllər iş adamı Corce Bekalinin ailəsinə məxsus olan 40 villalı yaşayış kompleksini, həmçinin yerli milyonçu Peykanın qızına məxsus digər daşınmaz əmlak layihəsini satın alıb. “Memaar Capital” Rumıniya bazarında üç yaşayış kompleksində 86-dan çox evə sahib olduğunu bildirir. Yeni layihədə isə hər biri təxminən 134 kvadratmetr sahəsi olan iki mərtəbəli 40 villa yerləşir. Xatırladaq ki, Tahir Kərimov 2011-ci ildə Salyan Rayon İcra Hakimiyyətinin başçısı vəzifəsinə təyin edilmiş, 2016-cı ildə isə bu postdan azad olunmuşdu. Sabiq icra başçısı 2015-ci ildə sosial şəbəkələrdə yayılan fotolarda Salyanda keçirilən bir tədbirdə çiçək çələnglərindən ibarət tağın altından keçirkən çəkilmiş fotosu ilə gündəmə gəlmişdi. Həmin çələngləri isə yerli məktəblilər tuturdu.

Sosial şəbəkələrdə əxlaq normaları ilə bir araya sığmayan informasiyaların yayımına qarşı polis əməkdaşları tərəfindən profilaktik tədbirlər davam etdirilir. Azinforum.az APA-ya istinadən xəbər verir ki, “TikTok” platformasında qeyd edilən qanunsuz əməllərə yol verən “Velizarofficial” adlı səhifəni idarə edən Salman Məmmədov saxlanılıb. Onun barəsində İnzibati Xətalar Məcəlləsinin internet informasiya ehtiyatında və ya informasiya-telekommunikasiya şəbəkəsində yayılması qadağan edilən informasiyanın yerləşdirilməsi maddəsi ilə protokol tərtib edilib. Müvafiq qərarla Salman Məmmədov inzibati qaydada həbs edilib. #azinforum #velizar

Hazırda təqaüddə olan polis general-mayoru Nazim Əliyev özünə toy edib. Gununsesi.info-nun xəbərinə görə, general özündən təxminən 35 yaş kiçik xanımla ailə qurub. Təmtəraqlı toy məclisi təşkil edən Nazim Əliyevin yeni həyat yoldaşı ilə nigahı da toy məclisində təsdiq olunub. Qeyd edək ki, Nazim Əliyev hazırda Vəkillər Kollegiyasının üzvüdür. Toydan görüntüləri təqdim edirik. #azinforum

Dövlət Gömrük Komitəsinin general-mayor ali xüsusi rütbəsi verilən 34 yaşlı əməkdaşı Fuad Elxan oğlu Məmmədov barəsində maraqlı məlumatlar yayılıb. Azinforum.az “Unikal”a istinadən xəbər verir ki, F.Məmmədov 2025-ci ilin mart ayında Dövlət Gömrük Komitəsi sədrinin müavini təyin edilib. Həmin vaxt o, gömrük xidməti mayoru rütbəsi daşıyırdı. Cəmi 10 ay sonra isə F.Məmmədov artıq general-mayor oldu. Hazırda Azərbaycanın vəzifədə olan ən gənc generalı olan Fuad Məmmədovun atasının müəllim olduğu bildirilib. Onun atasının bp-nin vitse-prezidenti olmasına dair iddialar olsa da, bu, təsdiqini tapmayıb.

“Meydan TV” işi üzrə həbsdə olan “Arqument.az” saytının baş redaktoru Şəmşad Ağaya anasının dəfn və yas mərasimində iştirak etmək üçün icazə verilib. Azinforum.az xəbər verir ki, bununla bağlı vəkil Fəxrəddin Mehdiyevin vəsatəti məhkəmə tərəfindən təmin edilib. O, Lerikin Şilvə kəndində keçiriləcək yas mərasimində 3 gün müddətində iştirak edə biləcək. Qeyd edək ki, Ş.Ağanın anası dünən parkinson xəstəliyindən vəfat edib. Ötən il oktyabrın 12-si onun qardaşı qızı 18 yaşlı Səma Ağayeva da xərçəng xəstəliyindən dünyasını dəyişmişdi. Şəmşad Ağanın işi hazırda məhkəmə istintaqı mərhələsindədir. O, bir qrup şəxs halında qaçaqmalçılıq və başqa ağır cinayətlərdə ittiham olunur.

Tramvay xəttinin bərpası ilə əlaqədar işlər görülüb. Artıq Mehdiabad qəsəbəsindən metronun “28 May” stansiyasına tramvayın tətbiqi ilə bağlı ilkin texniki-iqtisadi əsaslandırma sənədi hazırdır, layihələndirmə üzrə işlər həyata keçirilir. Azinforum.az xəbər verir ki, bunu Azərbaycan Yerüstü Nəqliyyat Agentliyinin (AYNA) İdarə Heyətinin sədri Anar Rzayev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı”nın ötən il üzrə icrasına həsr olunan dəyirmi masada bildirib. Onun sözlərinə görə, marşrut üzrə “Sea Breeze” daxilində yolun en kəsiyinin forması da razılaşdırılıb.

İmzalanmış müvafiq sərəncamla Naxçıvan MR Ali Məclisinin Aparat rəhbəri Ülvi Hüseynli tutduğu vəzifəsindən azad olunub. Ü.Hüseynli 2020-ci ildən bu vəzifədə idi. #azinforum

Son günlər Xalq artisti Niyaməddin Musayevin qızı Röya Musayeva haqqında informasiyalar mediada böyük müzakirələrə səbəb olub. Azinforum.az xəbər verir ki, yaranan suallarla bağlı Röya Musayeva oxu24.com-a müsahibə verib. Həmin müsahibədən bir hissəni təqdim edirik: - Röya xanım,bu gün yerli mediada vəzifənizdən azad olunmağınız barədə məlumat yayıldı. Bu informasiya müəyyən suallara səbəb oldu. Siz vəzifəndən nə vaxt azad olunmusunuz? - Bütün bunlar yalnış informasiyalardır. Mən Kanadaya köçməzdən əvvəl ərizəmi yazıb, işdən çıxmışam. Bundan əvvəl yazılan xəbərlərdə də, mənim həmin nazirlikdə işlədiyim yazılmışdı. Yəni əvvəllər işləmişəm, hazırda yox. Yayılan xəbərdə hazırda orada işləyir yazılmamışdı axı. Bu xəbərlər hardan çıxdı? - Röya xanım,sosial şəbəkələrdə sizin müğənni Təranə Qumralın müraciətindən sonra işdən çıxarıldığınız iddia olunur. Buna münasibətiniz? - Bu tamamilə əsassız xəbərlərdir. İllər öncə öz ərizəmlə işdən azad olunmuşam. Xahiş edirəm, bu xəbərləri yazarkən Fövqəladə Hallar Nazirliyinin İctimaiyyətlə Əlaqələr şöbəsinin rəsmi məlumatlarına istinad edin. Orada hər şey yazılıb. Bəzi jurnalistlər, adamlar qruplaşma yaradıblar. Müəyyən təbliğatlar aparırlar. Ayıbdır,vallah. Qurumla durumun mənasını ayırd edə bilməyən adam məni işdən necə çıxartdıra bilərki? Mümkünsüz şeydir... - Röya xanım,ən çox müzakirə mövzusu sizin polkovnik rütbənizlə bağlıdır. - Yalnışdır. Məni bu cürə mənasız suallarla narahat etməyin. Əsassızdır. #azinforum

Bəzən istifadə etdiyimiz hansısa geyim, səhnə fotosu və ya dediyimiz bir cümlə cəmiyyəti “güzgü”nün qarşısına keçirir. O güzgüdə isə adətən görünüşümüz deyil, düşüncələrimiz görünür. Belə olanda isə kiminsə düşüncələrinin nə qədər dar, köhnə və geridəqalmış olduğunun şahidinə çevrilirik. Son bir neçə gündür aparıcı Səidə Bəkirqızı ilə müğənni Rəqsanə İsmayılova arasında yaşanan qalmaqal da məhz bu “güzgü”nü üzümüzə tutmağa şərait yaratdı. Sosial media yenə iki yerə bölündü. Bir qrup “Səidə haqlıdır”, digərləri isə “Rəqsanə düz edir” deyərək məsələni müzakirə etməyə başladı. Amma çox az adam oturub hadisənin haradan başladığına, nə deyildiyinə, niyə deyildiyinə baxdı. Qulaqdan-qulağa ötürülən sözlər, qısaldılmış videolar, kontekstdən çıxarılmış cümlələr geniş yayıldı, paylaşıldı, yazıldı, pozuldu, bir sözlə, hamı danışdı... Mən isə tənbəllik etməyib, görüntülərə lap əvvəldən baxmaq qərarına gəldim. Müzakirələr aparıcı Səidə Bəkirqızının Rəqsanə İsmayılovanın “bodi” geyinərək fotosessiya etdirməsinə reaksiya verməsi ilə başlayıb: “Fazil müəllim bu fotosessiyaya baxıb nə dedi? Dedi ki, həyatım, çox gözəl görsənirsən? Rəqsanə İsmayılovaya sahiblənmək, onu evinin xanımı etmək üçün kişi hünəri lazımdır. O da hər kişinin işi deyil. Özəlinizi özəllərinizə saxlayın. Hər kişi sizin ayaqlarınızı görmək istəmir. Görmək istəyən hansısa bir şəkildə yolunu tapıb görür. Sürünü sizə qurban edənlər var da. Amma mən qurban olmaq istəmirəm. Adam nə qədər lüt ətcəbala görər? Səhnəni döndəriblər zooparka. Busqalterlə çıxırlar efirə”. İndi sual yaranır: Ay hörmətli aparıcı, kim sizə bu ixtiyarı verib? Kim qərar verib ki, qadının bədəni ictimai müzakirə mövzusu olsun? Kim deyib ki, bir qadının geyimi onun ailə həyatı, əri, “sahiblənilməsi” və ya əxlaqı ilə ölçülsün? “Əri bilər, özü bilər” deyimi var. Amma görünür, bizdə hələ də belə düşünənlər üçün yer dar gəlir. Daha maraqlısı isə Aygün Kazımova məsələsidir. Aparcı iddia edir ki, 50 il əvvəl bu tərz geyimi Aygün Kazımova istifadə edibmiş və ona yaraşıbmış. Çünki A.Kazımovanın bədən proporsiyaları buna icazə verirmiş, Rəqsanənin isə yox. Üzr istəyirəm, amma bu bədən proporsiyalarını ölçən komissiya nə vaxt yaradılıb? Kim qərar verir ki, hansı bədən hansı paltarda daha yaxşı görünür? Qadın özünü güzgüdə bəyənirsə, özünü rahat hiss edirsə, səhnədə özünü ifadə edirsə, başqasının zövqü niyə ona maraqlı olmalıdır? Məsələ təkcə geyim deyil. Məsələ odur ki, biz hələ də qadını öz bədəni üzərində söz sahibi kimi yox, ictimai müzakirə obyekti kimi görürük. Bizə kimsə çıxıb “bu olmaz”, “bu yaraşmaz”, “bunu kişi götürməz” sözlərini asanlıqla deyə bilir. Rəqsanə İsmayılovanın Səidə Bəkirqızına verdiyi cavab da cəmiyyətdə birmənalı qarşılanmadı. Bunu danmaq olmaz. Amma gəlin dürüst olaq, sən bir qadının həyat yoldaşına “hər kişinin hünəri çatmaz” deyəndə, aldığın cavab da gülü-çiçəkli olmayacaqdı. Əziz xələf aparıcımız bunlarla da kifayətlənməyib, üstəlik Rəqsanəni dediklərinə görə məhkəməyə verməklə hədələyib. Hələ bu da azmış kimi müğənni üçün həbs müddəti də seçib. Nə az, nə çox, düz 6 ay... Deyəsən, aparıcımız həm də məhkəmə hakimidir. Hələ üstəlik bildirib ki, bu məsələ nə üzr istəməklə, nə də hər hansı təzminatla bağlanacaq. Aparıcı birmənalı şəkildə onun həbs olunmasını tələb edəcək. Dediklərinə görə, Rəqsanənin ona qarşı səsləndirdikləri fikirlər açıq-aşkar böhtan və təhqir faktıdır. Bağışlayın, amma bu artıq televiziya aparıcılığı yox, hakimlik iddiasıdır. Sənin danışdıqların bəs nə idi? Camaatın durduq yerə geyiminə qarışıb, ərinə də demədiyin qalmayıb, üstəlik haqlı olmağa da çalışırsan. Səhv anlamayın, mən Rəqsanə İsmayılovanın vəkili deyiləm. Nə də onun tərəfini saxlamaq niyyətim yoxdur. Lakin görünən dağa bələçi lazım deyil… Nə deyim vallah... Ha deyirəm ki, “Danabaş kəndi”ndən çıxaq. İmkan vermirlər. Beynimiz, düşüncələrimiz hələ də orada ilişib qalıb. Sonra da deyirik ki, 21-ci əsrdə yaşayırıq… Aydan Hacı (Yeni Sabah) #azinforum

Xalq artisti Niyaməddin Musayevin FHN-də işləyən qızı Röya Musayeva öz ərizəsi ilə işdən çıxarılıb. Azinforum.az “Manset"ə istinadla xəbər verir ki, bununla bağlı bir müddət əvvəl fövqəladə hallar naziri, general-polkovnik Kəmaləddin Heydərov müvafiq əmr imzalayıb. Əmrə əsasən, FHN-in Sənədlərlə və vətəndaşların müraciətləri ilə iş idarəsində baş məsləhətçi vəzifəsində çalışan Röya Musayeva tutduğu vəzifədən azad edilib. Bir müddət əvvəl mətbuatda onun polkovnik rütbəsi daşıdığı iddia edilsə də, əslində Röya Musayevanın hərbi rütbəsi olmayıb. Məlumatı FHN-in Mətbuat Xidmətdən təsdiqləyiblər. #azinforum

“Qonşu binadan dünən gecə 35 yaşlı bir kişi özünü ataraq öldürüb. Özünə qəsd etməzdən əvvəl isə həyat yoldaşını bıçaqlayıb”. Azinforum.az xəbər verir ki, bu barədə müğənni Nura Suri paylaşım edib. “Qafqazinfo”nun əldə etdiyi məlumata görə, hadisə Ağ Şəhərdəki binalardan birində baş verib. 34 yaşlı Emil Əliyev qısqanclıq zəminində həyat yoldaşına bıçaq xəsarəti yetirib. Daha sonra özünü binadan ataraq həyatına son qoyub. Qeyd edək ki, E. Əliyevin atası Qəbələ Rayon Məhkəməsinin sədri Abbas Əliyevdir. Faktla bağlı Xətai Rayon Prokurorluğunda cinayət məcəlləsinin müvafiq maddəsi ilə cinayət işi başlanılıb.#azinforum

Fövqəladə Hallar Nazirliyinin (FHN) Kadr siyasəti Baş idarəsinin rəis müavini vəzifəsindən azad olunub. Azinforum.az Qaynarinfo-ya istinadən xəbər verir ki, bununla bağlı fövqəladə hallar naziri general-polkovnik Kəmaləddin Heydərov Əmr imzalayıb. Əmrə əsasən, Mübariz Abduyev öz ərizəsi ilə vəzifəsdən azad olunaraq dövlət qulluğunda son yaş həddi ilə əlaqədar təqaüdə göndərilib. Qeyd edək ki, Mübariz Abduyev Dövlət Gömrük Komitəsinin Hava Nəqliyyatında Baş Gömrük İdarəsinin sabiq rəisi, gömrük general-mayoru Sadiq Abduyevin qardaşıdır. Sadiq Abduyev 2018-ci ildə “dərman mafiyası”na qarşı hüquq-mühafizə orqanlarının gömrük xidmətində keçirdiyi əməliyyat zamanı vəzifəsindən azad olunub.

Tanınmış qastroenteroloq Arzu Yusifova Fövqəladə Hallar Nazirliyinin (FHN) Tibb Xidmətinin rəisi vəzifəsindən azad edilib. Azinforum.az xəbər verir ki,Globalinfo.az-ın əldə etdiyi məlumata görə, o, öz ərizəsi ilə işdən çıxıb. Qeyd edək ki, A.Yusifova 2025-ci ilin mayında bu vəzifəyə təyin edilmişdi. O, sözügedən vəzifədə general-mayor Rəfail Mehdiyevi əvəz etmişdi.