ADPK

ADPU-nun nəzdində Azərbaycan Dövlət Pedaqoji Kollecində 2025/2026 tədris ilinin payız semestri sessiya imtahanlarına maraq və əyləncə qatmaq məqsədilə İncəsənət və fiziki tərbiyə şöbəsinin tyutoru Mirzəliyeva Günayın təşkilatçılığı ilə həmin şöbənin tələbələri də yeni trendə qoşulmuşlar. #ADPK #ADPU #EATDA #ElmvəTəhsilNazirliyi

ADPU-nun nəzdində Azərbaycan Dövlət Pedaqoji Kollecində payız semestrinin imtahan sessiyası davam edir. Tələbələr imtahan prosesinin şəffaf şəkildə təşkil olunduğunu, sualların dərslərə uyğun hazırlandığını, müəllim və nəzarətçilərin münasibətindən razı qaldıqlarını qeyd edirlər. #ADPK #ADPU #EATDA #ElmvəTəhsilNazirliyi

ADPU- nun nəzdində Azərbaycan Dövlət Pedaqoji Kollecini Ailə və ev təhsili ixtisası üzrə bitirən məzunların iş imkanları, gələcəkdə çalışa biləcəyi sahələr barədə məlumat

ADPU-nun nəzdində Azərbaycan Dövlət Pedaqoji Kollecinin Sosial məsələlər və ictimaiyyətlə əlaqələr üzrə direktor müavininin tabeliyində olan mütəxəssislərin iştirakı ilə BMT-nin 17 maddədən ibarət Dayanıqlı İnkişaf Məqsədlərinin 3-cü (Yaxşı səhiyyə və rifah) və 11-ci (Dayanıqlı şəhər və icmalar) bəndlərinə uyğun olaraq “Sağlam həyat tərzi: ağıl və bədənin sülhü” mövzusunda maarifləndirici tədbir keçirilib. Tədbir çərçivəsində kollecin psixoloqu, tibb bacısı, kitabxana əməkdaşı, SMM mütəxəssisi və laborantı öz vəzifə səlahiyyətlərinə uyğun olaraq sağlam həyat tərzi mövzusunda çıxışlar ediblər. Çıxışlarda fiziki və psixoloji sağlamlığın qorunması, düzgün qidalanma, informasiya savadlılığı, sosial rifah və sağlam mühitin formalaşdırılmasının əhəmiyyəti vurğulanıb. Tədbirin məqsədi fərdi və icma səviyyəsində sağlam həyat tərzinə keçidin vacibliyini diqqətə çatdırmaq, iştirakçılarda sağlam düşüncə və rifah yönümlü davranışların formalaşmasına töhfə vermək olub. #ADPK #ADPU #EATDA #ElmvəTəhsilNazirliyi

ADPU-nun nəzdində Azərbaycan Dövlət Pedaqoji Kollecində International Coaching Education Academia-nın dəstəyi ilə inzibati və pedaqoji heyət üçün təşkil olunan “Təşkilati mədəniyyət və etika” mövzusunda təlim silsiləsi uğurla davam edir. Təlim çərçivəsində təşkilati davranış, etik dəyərlər və effektiv idarəetmə mövzuları üzrə interaktiv müzakirələr aparılır. #ADPK #ADPU #EATDA #ElmvəTəhsilNazirliyi

ADPU-nun nəzdində Azərbaycan Dövlət Pedaqoji Kollecini İnklüziv təhsil ixtisası üzrə bitirən məzunların iş imkanları, gələcəkdə çalışa biləcəyi sahələr barədə məlumat.

ADPU-nun nəzdində Azərbaycan Dövlət Pedaqoji Kollecində tullantı materiallarından istifadə edilərək BMT-nin Dayanıqlı İnkişaf Məqsədlərini əks etdirən xüsusi maketlər hazırlanmışdır. Tələbə və əməkdaşların birgə yaratdığı bu kreativ iş Sabunçu korpusunun giriş hissəsində yerləşdiriləcək. Layihənin məqsədi tələbə və əməkdaşların DİM haqqında məlumatlılığını artırmaq, ekoloji davranışı və təkrar emal vərdişlərini gücləndirmək, həmçinin kollecdə bu istiqamətdə yeni təşəbbüsləri təşviq etməkdir. Hazırlanan maketlər aşağıdakı Dayanıqlı İnkişaf Məqsədlərinə uyğundur: • Məqsəd 11 – Davamlı Şəhərlər və İcmalar: təmiz və məsuliyyətli mühitin formalaşdırılması; • Məqsəd 12 – Məsuliyyətli İstehlak və İstehsal: tullantıların düzgün idarə olunması və təkrar istifadənin təşviqi; • Məqsəd 13 – İqlim Dəyişikliyinə Qarşı Mübarizə: ekoloji davranışın gücləndirilməsi. Hər kəsi maketlərlə tanış olmağa və bu istiqamətdə öz ideya və təkliflərini bölüşməyə dəvət edirik. #ADPK #ADPU #EATDA #ElmvəTəhsilNazirliyi

ADPU-nun nəzdində Azərbaycan Dövlət Pedaqoji Kollecinin İncəsənət və fiziki tərbiyə fənn birləşməsinin müəllimi Ülviyyə İmanovanın rəhbərliyi ilə Rəngkarlıq ixtisasının tələbələri rəsm dərsində qara qələmlə portret eskizləri üzərində çalışıblar. Tələbələr “İnsan siması gənc rəssamların gözü ilə” devizi altında böyük həvəslə öz eskizlərini hazırlayıblar. #ADPK #ADPU #EATDA #ElmvəTəhsilNazirliyi

ADPU-nun nəzdində Azərbaycan Dövlət Pedaqoji Kollecinin FTM 25/03 qrupunun tələbələri tarix fənnindən verilmiş sərbəst iş çərçivəsində Vətən müharibəsinin yeganə qadın şəhidi, kollecin məzunu Arəstə Baxışovanın evini və məzarını ziyarət edib, xatirəsini dərin ehtiramla yad ediblər. Şəhidin anası Arəstənin həyatı, təhsili, hərbi xidməti və 23 oktyabr 2020-ci ildə şəhid olması barədə danışıb. Arəstə Baxışova Biləcəri Şəhidlər Xiyabanında dəfn olunub və ölümündən sonra “Vətən uğrunda” medalı ilə təltif edilib. #ADPK #ADPU #EATDA #ElmvəTəhsilNazirliyi

ADPU-nun nəzdində Azərbaycan Dövlət Pedaqoji Kollecində “Uşaq Hüquqları Aylığı” çərçivəsində silsilə fəaliyyətlər davam edir. Bu ayın məqsədi uşaqların hüquqlarını tanımaq, onların rifahına diqqət çəkmək və gənclərdə sosial məsuliyyət hissini gücləndirməkdir. Kollecin psixoloqu Aytən Orucova müxtəlif qruplarla görüşərək tələbələrə uşaq hüquqları haqqında məlumat verib, bu mövzuda həssaslığın artırılması üçün müzakirələr aparıb. Aylıq çərçivəsində uşaq evlərindəki azyaşlılar üçün motivasiya dolu, sevgi və dəstək mesajları ilə zəngin məktubların yazılması kampaniyası başladılıb. Tələbələr bu təşəbbüsə böyük həvəslə qoşularaq səmimi və ruhlandırıcı məktublar hazırlayıblar. Uşaqlar üçün yazılan hər məktub — bir sevinc, bir ümid, bir təbəssümdür. #ADPK #ADPU #EATDA #ElmvəTəhsilNazirliyi

ADPU-nun nəzdində Azərbaycan Dövlət Pedaqoji Kollecinin Dekorativ-tətbiqi sənət və dizayn ixtisasının tələbələri müxtəlif texnikalardan istifadə etməklə şüşə üzərində Zəfər Gününə həsr olunmuş kompozisiyalar və şəhid portretləri çəkiblər. Bununla da onlar Vətənə sevgilərini, şəhidlərimizin xatirəsinə sonsuz ehtiramlarını, Vətən müharibəsindəki möhtəşəm qələbəyə görə keçirdikləri sevinc və qürur hisslərini ifadə ediblər. #ADPK #ADPU #EATDA #ElmvəTəhsilNazirliyi

ADPK-nın Rəngkarlıq, Dekorativ-Tətbiqi Sənət və Dizayn ixtisası tələbələri dərs zamanı Zəfər Gününə həsr olunmuş rəsmlər ərsəyə gətiriblər. #ADPK #ADPU #EATDA #ElmvəTəhsilNazirliyi

MİQ imtahanında yüksək nəticə göstərən məzunlarımızla qürur duyuruq!

ADPU-nun nəzdində Azərbaycan Dövlət Pedaqoji Kollecinin bir qrup əməkdaşı Qəbələ rayonunun Tüntül kəndinə gedərək kollecin məzunu, Vətən müharibəsi şəhidi Tapdıq Ağayevin ailəsini ziyarət edib. Səfər zamanı kollecin nümayəndələri şəhidin xatirəsinə yaradılmış ev- muzeyinə baxış keçirib, Tapdığın tələbələr tərəfindən çəkilmiş portretlərini ailəsinə təqdim ediblər. Daha sonra şəhidin uyuduğu məzarlığı ziyarət edən əməkdaşlar T.Ağayevin təhsil aldığı Müşfiq Murtuzov adına məktəbdə də olub, kollektivlə görüşüblər. Qeyd edək ki, Tapdıq Ağayev 2020-ci il oktyabrın 8-də Füzuli uğrunda gedən döyüşlərdə qəhrəmancasına şəhid olub. Oktyabrın 30-da doğma kəndində torpağa tapşırılıb. Allah şəhidimizə rəhmət eləsin! #ADPK #ADPU #EATDA #ElmvəTəhsilNazirliyi

ADPU-nun nəzdində Azərbaycan Dövlət Pedaqoji Kollecinin bir neçə məzunu müxtəlif ali təhsil müəssisələrinə qəbul olunub. Onları təbrik edir, yeni uğurlar arzulayırıq! #ADPK #ADPU #EATDA #ElmvəTəhsilNazirliyi